Մեկնարկել են Մայր Աթոռ Սուրբ Էջմիածնի Իրաքի հայոց թեմի առաջնորդանիստ Բաղդադի Սուրբ Գրիգոր Լուսավորիչ եկեղեցու վերանորոգման աշխատանքները։ Այդ մասին ասվում է թեմի ֆեյսբուքյան էջում։

Եկեղեցին կառուցվել է 1954-1957 թվականներին, հայկական եկեղեցուն պատկանող հսկայական կալվածքում, որտեղ 1904 թվականից ի վեր գտնվում է հսկայական հայկական գերեզմանատուն՝ հնագույն և ժամանակակից գերեզմաններով:

Տարածքում կա նաև Հայոց ցեղասպանության զոհերի հուշահամալիր և մեծ թանգարան, որը բացվել է 1997 թվականի նոյեմբերին։

Մայր տաճարի կառուցումը հնարավոր է դարձել երկու հայ բարերարների՝ Սիմոն Մ. Ղարիբեանի և Գալուստ Գյուլբենկյանի կատարած շատ մեծ նվիրատվությունների շնորհիվ։

Հայերն Իրաքումհայտնվել են 7-12-րդ դարերից՝Աբբասյան խալիֆայությանժամանակ, հետագայում գաղութն ստվարացել է ԻրանիշահԱբբաս I-ի կազմակերպած բռնագաղթի հետևանքով տեղահանված և հալածանքներից փախած հայերի հաշվին։ Իրաքի հայ գաղութը նկատելիորեն աճել է հատկապեսՄեծ եղեռնիցհետո, երբ այստեղ ապաստան գտան մոտ 100,000 գաղթականներ։ 1922 թվականից հայերն այստեղ արդեն ունեին հոգևոր թեմ։

21-րդ դարի սկզբին իրաքահայերի թիվը 20,000 էր։ ԱՄՆ-ի`Իրաք ներխուժելուց հետո հայերի մեծ մասն արտագաղթել է։Ներկայումս Իրաքում ապրում է 5000 հայ։