  Քաղհասարակության պլատֆորմը կոչ է անում ստեղծել ԵՄ-ին ՀՀ անդամակցության հարցերի միջգերատեսչական հանձնաժողով 13 փետրվարի 2025 - 13:03 AMT PanARMENIAN.Net - ԵՄ-Հայաստան քաղհասարակության պլատֆորմը ողջունել է Ազգային ժողովի կողմից փետրվարի 12-ին «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի ընդունումը և կոչ արել ստեղծել ԵՄ-ին ՀՀ անդամակցության հարցերի միջգերատեսչական հանձնաժողով։ Նշվում է, որ օրենքի ընդունումը նոր էջ է բացում Եվրոպական Միության և Հայաստանի Հանրապետության համագործակցության օրակարգում: Պլատֆորմը Եվրոպական միությանը կոչ է արել աջակցել Հայաստանի իշխանություններին, ընդդիմությանը և քաղաքացիական հասարակությանը՝ ԵՄ-ին անդամակցելու գործընթացում՝ ստեղծարար մոտեցումներով և փորձագիտական կարողություններով։ Հայաստանի կառավարությանը պլատֆորմը հորդորել է․ Ստեղծել միջգերատեսչական հանձնաժողով՝ ԵՄ-ին ՀՀ անդամակցության հարցերով, որը կղեկավարի անձամբ վարչապետը։ Հաստատել հանձնաժողովին կից աշխատանքային խումբ, որտեղ ընդգրկված կլինեն նաև ԵՄ-Հայաստան քաղհասարակության պլատֆորմի ներկայացուցիչները, և սեղմ ժամկետներում, ԵՄ գործընկերների հետ համատեղ, մշակել անդամակցության ճանապարհային քարտեզ։ Առավելագույն կարճ ժամկետներում ավարտին հասցնել Եվրամիության առջև ստանձնած պարտավորությունների կատարումը։ Հայտարարությունում նշվում է, որ ԵՄ-Հայաստան քաղհասարակության պլատֆորմը պատրաստ է իր խորհրդատվական, մշտադիտարկման և իրազեկման գործառույթներով աջակցել գործընթացի արդյունավետ իրականացմանը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
