  Դատախազությունն ապօրինի ծագում ունեցող գույքի բռնագանձման 136 հայցադիմում է ներկայացրել՝ 600 մլրդ դրամի պահանջով 13 փետրվարի 2025 - 16:58 AMT PanARMENIAN.Net - Ապօրինի ծագում ունեցող գույքի բռնագանձման գործերով Հակակոռուպցիոն դատարան է ներկայացվել 136 հայցադիմում, որոնցով պահանջվում է բռնագանձել 1381 անշարժ գույք, 270 շարժական գույք, 359 իրավաբանական անձանցում ունեցած մասնակցություն, 527 մլրդ դրամ։ Այդ մասին կառավարության նիստում ասել է գլխավոր դատախազ Աննա Վարդապետյանը։ Նրա խոսքով՝ ընդհանուր հայցագինը կազմում է մոտ 600 մլրդ դրամ, և այդ թիվը դեռ աճում է, քանի որ բոլոր գույքերի շուկայական արժեքները դեռևս հաշվարկված չեն, հայտնում է Արմենպրեսը։ «Կառավարության 2024 թվականի դեկտեմբերի 5-ի 1922-Ն որոշմամբ ստեղծվել է Վերականգնված միջոցների միասնական հաշիվ: Գործարկման օրվանից մինչ օրս Վերականգնված միջոցների միասնական հաշվին մուտքագրվել է շուրջ 10 միլիարդ 283 միլիոն դրամ»,– ասել է նա։ Վարդապետյանը նշել է, որ Կառավարության որոշման համաձայն՝ նախաքննական մարմինները մինչև յուրաքանչյուր կիսամյակին հաջորդող ամսվա 10-ը պետք է փոխանցեն տեղեկատվություն դատախազությանը՝ քրեական վարույթներով որպես գույք արգելադրված դրամական միջոցների վերաբերյալ։ Այս տվյալների ամփոփումը ընթացքի մեջ է, և 2025 թվականի հուլիսի 30-ին գլխավոր դատախազությունը կհրապարակի նաև տեղեկատվություն քրեական վարույթներով որպես գույք փաստացի արգելադրված դրամական միջոցների վերաբերյալ։ Խոսելով համայնքներին վերադարձված գույքի և գումարների մասին՝ նա նշել է, որ միայն Արարատի մարզում 2024 թվականին դատախազական միջամտության արդյունքում վերականգնվել է պետությանը և համայնքներին պատճառված 900 հազար ԱՄՆ դոլարի վնաս։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
