 Եվրախորհրդարան. ԵՄ-ն այլևս չի կարող ապավինել ԱՄՆ-ին 20 փետրվարի 2025 - 11:17 AMT PanARMENIAN.Net - Եվրամիությունն այլևս չի կարող ապավինել ԱՄՆ-ին ընդհանուր շահերը պաշտպանելու հարցում և պետք է իր ձեռքը վերցնի իր պաշտպանությունն ու անվտանգությունը։ Այդ մասին ասվում է Եվրախորհրդարանի խոշորագույն խմբակցությունների հայտարարության մեջ, որը հրապարակվել է Սաուդյան Արաբիայում ԱՄՆ-ի և Ռուսաստանի միջև բանակցությունների ֆոնին։ «Հաշվի առնելով վերջին հայտարարություններն ու իրադարձությունները, այդ թվում՝ Սաուդյան Արաբիայում ԱՄՆ-ի և ՌԴ ներկայացուցիչների միջև տեղի ունեցած նախնական բանակցությունները, վերջին քաղաքական զարգացումները պարզ վկայում են, որ ԵՄ-ն և անդամ երկրները, ցավոք, այլևս չեն կարող ամբողջությամբ ապավինել ԱՄՆ-ի կառավարությանն ընդհանուր արժեքներն ու շահերը պաշտպանելիս, սակայն ԵՄ-ն պետք է իր ձեռքը վերցնի դրանց պաշտպանությունն ու անվտանգությունը»,- ասված է փաստաթղթում, հայտնում է ՌԻԱ Նովոստին։ Փաստաթղթում ընդգծվում է նաև, որ անհրաժեշտ է անհապաղ միջոցներ ձեռնարկել ռազմական ծախսերի ավելացման և օպտիմալացման ուղղությամբ։ «Անհրաժեշտության դեպքում ԵՄ-ի հասանելի գործիքների շրջանակում առկա բոլոր լուծումները, ներառյալ՝ բացառիկ հանգամանքների դեպքում, պետք է օգտագործվեն ԵՄ-ի զսպող կարողությունները և ռազմավարական ինքնավարությունն ուժեղացնելու համար», - ասված է փաստաթղթում։ Ռուսաստանի և ԱՄՆ ներկայացուցիչները պայմանավորվել են վերականգնել դեսպանատների լիարժեք աշխատանքը Մոսկվայում և Վաշինգտոնում։ԱՄՆ նախագահ Դոնալդ Թրամփի և Ուկրաինայի նախագահ Վոլոդիմիր Զելենսկու միջև բանավեճը ավելի է սրվել այն բանից հետո, երբ Թրամփը Զելենսկուն անվանել է «բռնապետ»։ Թրամփի քննադատությունը հաջորդել է Զելենսկու ավելի վաղ արված հայտարարությանը, որտեղ ուկրաինացի առաջնորդն ասել էր, որ Թրամփն ընկել է Ռուսաստանի «խեղաթյուրված տեղեկատվության տարածության» մեջ։ Սա հետևել է Թրամփի պնդմանը, թե Զելենսկու նախագահությունը ոչ լեգիտիմ է, քանի որ Ուկրաինայում ընտրություններ չեն անցկացվել։   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
