Երևանի քաղաքապետի խորհրդական Կամո Արեյանը նշել է, որ «Երևանի աղբահանություն և սանիտարական մաքրում» համայնքային հիմնարկը վերակառուցման կարիք ունի՝ ձնամաքրման գործընթացն ավելի արդյունավետ դարձնելու համար, հայտնում է Արմենպրեսը։
Նա հավելել է, որ տարբեր տրամաչափի բազմաֆունկցիոնալ մեքենաներ են պետք։
«Հիմնարկի շարժակազմը բազմաֆունկցիոնալ տեխնիկայի տեսանկյունից բավարար չէ նման իրավիճակներում արդյունավետ գործելու համար։ Մենք պետք է հիմնարկը համալրենք տարբեր տրամաչափի բազմաֆունկցիոնալ մեքենաներով, որպեսզի կարողանանք տարբեր ռելիեֆային հարթություններում գտնվող և տարբեր թողունակություն ունեցող փողոցները մաքրել»,- ընդգծել է Արեյանը։
Առատ ձյունը լուրջ դժվարություններ էր առաջացրել մայրաքաղաքում։ Փետրվարի 20-ի երեկոյան փողոցներում երթևեկությունը գրեթե կանգ էր առել, ինչը խցանումների ու վթարների է հանգեցրել։
