Փաշինյան․ Մարտի 1-ից բոլոր սահմանային անցակետերում ծառայություն կկատարեն ՀՀ սահմանապահները

1 մարտի 2025 - 10:44 AMT

PanARMENIAN.Net - Հայաստան-Թուրքիա պետական սահմանի «Մարգարա» անցակետում փետրվարի 28-ից սահմանային ծառայությունը վերապահված է բացառապես ՀՀ Սահմանապահ զորքերին։ Այդ մասին ֆեյսբուքյան իր էջում հայտնել է ՀՀ վարչապետ Նիկոլ Փաշինյանը։

Նա հավելել է, որ այս փոփոխությունը ենթադրում է, որ 2025 թվականի մարտի 1-ից Հայաստանից դուրս եկող և երկիր մուտք գործող բոլոր անձանց հսկողությունն իրականացվելու է միայն ՀՀ Սահմանապահ զորքերի կողմից, քանի որ այդ անցակետերում, անկախ դրանց կարգավիճակից, ծառայությունն ապահովելու են բացառապես սահմանապահները։

«Մարգարա» անցակետը շարունակում է չգործել՝ պայմանավորված Հայաստանի և Թուրքիայի միջև պետական սահմանի փակ լինելու հանգամանքով։ 2022 թվականի ամռանը ՀՀ Կառավարության որոշմամբ անցակետը ենթարկվել է հիմնանորոգման, ինչից հետո այնտեղ սկսվել է մշտական ծառայություն՝ Ռուսաստանի Դաշնության Սահմանապահ զորքերի կողմից։

ՌԴ ԱԴԾ Սահմանապահ զորքերին երախտագիտությունս եմ հայտնում Հայաստան-Թուրքիա պետական սահմանի այս հատվածում իրականացրած ծառայության համար։

«Մարգարա» սահմանային կետի անցումը ՀՀ Սահմանապահ զորքերի պատասխանատվության ներքո նշանակում է, որ 2025 թվականի մարտի 1-ից Հայաստանի Հանրապետությունից ելք և Հայաստանի Հանրապետություն մուտք գործող բոլոր մարդկանց սահմանային հսկողությունը կիրականացվի բացառապես Հայաստանի Հանրապետության Սահմանապահ զորքերի ուժերով, որովհետև բոլոր այդպիսի (գործող և չգործող) կետերում ծառայություն իրականացնում են միայն ՀՀ Սահմանապահ զորքերը»,-ասվում է գրառման մեջ։

2024–ի օգոստոսից ռուս սահմանապահները հեռացել են