Microsoft-ը մայիսին կդադարեցնի Skype-ի աշխատանքը![]() 1 մարտի 2025 - 13:35 AMT PanARMENIAN.Net - Microsoft-ը պաշտոնապես հաստատել է, որ Skype-ի գործունեությունը կդադարեցվի մայիսի 5-ին։ Մինչ այդ, օգտատերերը կարող են կամ անցում կատարել Teams-ին, կամ արտահանել իրենց տվյալները՝ ծառայության դադարեցումից առաջ։ Skype-ի ապագան մշտապես անորոշ է եղել․ այն ժամանակ առ ժամանակ թարմացվել է՝ մնալով շուկայում։ Սակայն այս անգամ Microsoft-ը ծրագրեր չունի նոր թարմացումներ թողարկելու, և ծառայությունը վերջնականապես կփակվի։ Ո՞րն է լուծումը։ Թիմային աշխատանքների համար նախատեսված Teams հարթակը։ «Մայիսից Skype-ը այլևս հասանելի չի լինի։ Շարունակեք ձեր զանգերն ու հաղորդակցությունը Teams-ում»,–ասվում է հաղորդագրության մեջ։ Հաղորդագրությանը կից նշվում է, որ որոշ ընկերներ արդեն անցում են կատարել Teams-ի անվճար տարբերակին։ 2017-ին Microsoft-ը գործարկել է Teams հարթակը՝ Skype-ի հիմքի վրա կառուցված թիմային համագործակցության գործիք, որը մրցակցում էր Slack-ի հետ։ Այդ պահից սկսած, Microsoft-ը մեծապես կենտրոնացավ Teams-ի զարգացման վրա։ Շատերը վաղուց էին կանխատեսում Skype-ի փակումը, հատկապես 2019-ին՝ Skype for Business-ի դադարեցումից հետո։ Սակայն ամեն անգամ նոր թարմացումներ էին հայտնվում, և օգտատերերը զարմանում էին՝ «Microsoft-ը դեռ շարունակո՞ւմ է այս ծրագրի զարգացումը»։ Skype-ը երբեք չդարձավ այն հզոր գործիքը, որ Microsoft-ը պատկերացնում էր։ Այն կորցրեց մրցակցությունը Apple-ի FaceTime-ին, Google-ի բազմատեսակ հաղորդակցման ծառայությունների համեմատ, ինչպես նաև տուժեց Windows Phone-ի ձախողման հետևանքով։ Երբ 2021-ին գործարկվեց Windows 11-ը, այն ներառում էր Teams-ի ինտեգրում, ինչպես ժամանակին Windows 10-ում Skype-ն էր ներկառուցված։ Սակայն այս անգամ Skype-ը փոխարինվեց Teams-ի անձնական տարբերակով, ինչը ևս մեկ վկայություն էր ծառայության անորոշ ապագայի մասին։ Այժմ վերջնական որոշումն ընդունված է։ Մինչ մայիս, օգտագործողները, ամենայն հավանականությամբ, իրենց հավելվածներում կտեսնեն համապատասխան ծանուցումները։ Microsoft-ին դիմել են պաշտոնական մեկնաբանության համար, սակայն այս պահին ընկերությունը հավելյալ տեղեկություններ չի տրամադրել։ Skype-ը գործարկվել է 2003 թվականին, իսկ 2011-ին այն ձեռք է բերել Microsoft-ը։ Մի քանի տարի անց ընկերությունը հրաժարվեց սեփական հաղորդակցման գործիքներից, այդ թվում՝ Windows Live Messenger-ից, իսկ 2015-ին փորձեց Skype-ը ինտեգրել Windows 10-ում։ Սակայն այդ ինտեգրումը երկար չտևեց։ Սկզբում Microsoft-ը ներկայացրեց առանձին հավելվածներ հաղորդագրությունների, տեսազանգերի և հեռախոսազանգերի համար, բայց հաջորդ թարմացման ժամանակ դրանք հանվեցին։ 2016-ին թողարկվեց UWP տարբերակը՝ Win32-ից հեռանալու ռազմավարության շրջանակում, սակայն ավելի ուշ ընկերությունը կրկին վերադարձավ Win32 տարբերակին։ ![]() ![]() Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից ![]() ![]() | ![]() ![]() ![]() ![]() ![]() ![]() ![]() ![]() |