  ՀՀ տեխնոլոգիական ընկերությունները մասնակցում են «Համաշխարհային բջջային կոնգրես 2025»-ին 4 մարտի 2025 - 13:02 AMT PanARMENIAN.Net - Իսպանիայի Բարսելոնա քաղաքում մեկնարկել է «Համաշխարհային բջջային կոնգրես 2025» (Mobile World Congress 2025) միջոցառումը, որտեղ ՀՀ բարձր տեխնոլոգիական արդյունաբերության նախարարությունն արդեն երրորդ անգամ մասնակցում է հայկական միասնական տաղավարով։ Սա հնարավորություն է տալիս հայրենական տեխնոլոգիական ընկերություններին ներկայացնել իրենց արտադրանքն ու նորարարական լուծումները։ Նախարարի տեղակալ Ռուբեն Սիմոնյանի գլխավորած պատվիրակությունն այցելել է հայկական տաղավար՝ ծանոթանալու հայկական կազմակերպությունների ցուցադրած արտադրանքին։ Ցուցահանդեսին մասնակցում է տեխնոլոգիական ոլորտի 17 կազմակերպություն, որոնցից 10-ը ներկայացնում են իրենց արտադրանքն ու լուծումները, իսկ 7-ը հանդես է գալիս որպես այցելուներ։ Մասնակցում է նաև «Ներդրումների աջակցման կենտրոն» (Enterprise Armenia) հիմնադրամը։ «Համաշխարհային բջջային կոնգրեսը» կապի և բջջային տեխնոլոգիաների ոլորտի խոշորագույն միջազգային հարթակներից է, որտեղ ներկայացվում են նորագույն տեխնոլոգիաներ, արհեստական բանականության լուծումներ և մի շարք այլ նորամուծություններ։ Միջոցառման շրջանակում նախատեսվում են նաև ոլորտային համաժողովներ, կլոր սեղաններ և պանելային քննարկումներ, որտեղ պետական պաշտոնյաներն ու մասնագետները հնարավորություն կունենան հաստատելու նոր գործարար կապեր։   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
