Հաստատվել է բարձր տեխնոլոգիական ոլորտի աջակցության 7-ամյա նոր ծրագիրը

6 մարտի 2025 - 14:06 AMT

PanARMENIAN.Net - Կառավարությունը հաստատվել է բարձր տեխնոլոգիական ոլորտի աջակցության 7-ամյա նոր ծրագիրը՝ այն կգործի ապրիլի 1-ից։

Բարձր արդյունաբերության նախարար Մխիթար Հայրապետյանը հայտարարել է, որ նոր ծրագրի հիմքում դրված է 3 հիմնական մեխանիզմ՝ խթանելու ոլորտի զարգացումը, հայտնում է Panorama.am-ը։

Նրա փոխանցմամբ՝ առաջին մեխանիզմը վերաբերում է այն կազմակերպություններին, որտեղ ներգրավված կլինեն աշխատանքային միգրանտներ կամ որոնք նրանց կներառեն 2022 թվականի մարտի 1-ից սկսած։ Այդ ընկերություններին տրամադրվելու է աջակցություն՝ համապատասխան մասնագետների եկամտահարկի 60 %-ի չափով։

Նախարարը նաև ընդգծել է, որ աշխատաշուկա նոր մուտք գործած մասնագետների դեպքում ևս ընկերությունները կստանան եկամտահարկի 60 %-ի չափով աջակցություն։

«Երրորդ ուղղությունը մասնագիտական վերապատրաստման կրթական ծրագրերի միջոցով վերապատրաստվող մասնագետների մասով կրկին ընկերություններն արդեն 50 %-ի չափով եկամտահարկի աջակցություն են ստանում»,- ասել է նախարարը։

Բացի այդ, Հայրապետյանը նշել է, որ նախագծով հստակեցվել է «բարձր տեխնոլոգիաների» սահմանումը, որի մեջ ընդգրկվել են ոչ միայն տեղեկատվական տեխնոլոգիաների ոլորտը, այլև բարձր տեխնոլոգիական արդյունաբերության ճյուղերը՝ գիտահեն տնտեսության ձևավորման նպատակով։

Մխիթար Հայրապետյանը հավելել է, որ աջակցության ծրագրից օգտվելու հայտատուների ընտրությամբ զբաղվելու է հատուկ ստեղծված միջգերատեսչական հանձնաժողովը։