Կենտրոնական ընտրական հանձնաժողովը մարտի 11-ին անցկացված նիստի ընթացքում վիճակահանությամբ որոշել է մարտի 30-ին նախատեսված ՏԻՄ ընտրություններին մասնակցող կուսակցությունների և դաշինքների հերթական համարները։

Վիճակահանությունը կատարվել է յուրաքանչյուր համայնքի ավագանու ընտրություններին մասնակցող քաղաքական ուժերի միջև առանձին՝ սկզբում Փարաքար համայնքի համար, որտեղ առաջադրված կուսակցությունների և դաշինքների թիվը ամենափոքրն է։

Այն կուսակցությունը կամ դաշինքը, որը մասնակցել է Փարաքար համայնքի վիճակահանությանը, այլևս չի ներգրավվել Գյումրի համայնքի համար անցկացված վիճակահանության մեջ, և նրանց ստացած համարը չի կիրառվել Գյումրիի դեպքում։

Վիճակահանության արդյունքում Փարաքար համայնքի ՏԻՄ ընտրություններին մասնակցող ուժերը ստացել են հետևյալ հերթական համարները․

• «Քաղաքացիական պայմանագիր» կուսակցություն – 1
• «Միասնություն» կուսակցությունների դաշինք – 2
• «Ազգային առաջընթաց» կուսակցություն – 3
• «Կայունություն» կուսակցություն – 4

Գյումրի համայնքի ՏԻՄ ընտրություններին մասնակցող կուսակցություններն ու դաշինքները ստացել են հետևյալ համարները․

• «Քաղաքացիական պայմանագիր» կուսակցություն – 1
• Հայաստանի կոմունիստական կուսակցություն – 2
• «Ապրելու երկիր» կուսակցություն – 3
• «Մայր Հայաստան» կուսակցությունների դաշինք – 4
• «Հայաստանի աշխատավորական սոցիալիստական» կուսակցություն – 5
• «Եվրադաշինք» կուսակցությունների դաշինք – 6
• «Դեմոկրատական այլընտրանք» կուսակցություն – 7
• «Մեր քաղաքը» կուսակցությունների դաշինք – 8
• «Իմ հզոր համայնք» – 9