ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը ֆեյսբուքյան իր էջում անդրադարձել է 750 միլիոն դոլարի եվրապարտատոմսերի թողարկմանը՝ նշելով, որ գործընթացը թափանցիկ է եղել։
Հայաստանը տեղաբաշխել է 750 մլն ԱՄՆ դոլարի եվրապարտատոմսեր: Տեղաբաշխումը տեղի է ունեցել մարտի 5-ին։ Եվրապարտատոմսերի մարման ժամկետը 10 տարի է, եկամտաբերությունը՝ 7.1%: Նոր եվրապարտատոմսերի արժեկտրոնի եկամտաբերությունը 6.75% է:
Նրա խոսքով՝ եվրապարտատոմսերի թողարկումը նախատեսված է 2025 թվականի պետական բյուջեով և ներառված է փոխառությունների ծրագրում։
Ավելի վաղ «Ադեկվադ» միաբանության հիմնադիր Արթուր Դանիելյանը հայտարարել էր, թե 750 միլիոն դոլարի պետական պարտատոմս է թողարկվել մարտի 12-ին գերմանական բորսայում, սակայն այս տեղեկատվությունը գաղտնի է պահվել։ Դանիելյանը պնդել է, որ այս միջոցները նախատեսված են խաղաղության պայմանագրի հնարավոր զիջումների համար, ինչպես նաև 2025 թվականի պետական բյուջեի մի մասի ծախսերը հոգալու։
Թունյանի խոսքով՝ եվրապարտատոմսերի տեղաբաշխումը տեղի է ունեցել ոչ թե մարտի 12-ին, այլ մարտի 5-ին։ Նա նշել է, որ պարտատոմսերի մարման ժամկետը սահմանվել է 10 տարի, իսկ դրանց եկամտաբերությունը կազմում է 7.1%։
Ինչ վերաբերում է այն հարցին, թե ինչու ՀՀ ֆինանսների նախարարությունը նախապես չի հրապարակել այս տեղեկատվությունը, պատգամավորը նշել է, որ սա Հայաստանի կողմից եվրապարտատոմսերի 5-րդ թողարկումն է, և նախորդ բոլոր դեպքերում էլ տեղեկատվությունը հրապարակվել է միայն տեղաբաշխումից հետո։
«Դա ոչ թե ֆիննախի կամ կառավարության քմահաճույքն է, այլ պայմանավորված է տեղաբաշխման գործընթացի կանոնակարգերով և պահանջներով, որը միշտ է այդպես եղել: Թաքցնելու ոչինչ չկար, դա ամբսուրդ է, քանի որ միջազգային պարտատոմս թողարկել ու հաջողությամբ տեղաբաշխելը, մեղմ ասած, վատ բան չի: Ու դրա հաջող իրագործման համար մեծ ծավալի աշխատանք է կատարվում»,– գրել է նա։
Նրա խոսքով՝ եվրապարտատոմսերի թողարկումը նախատեսված է 2025 թվականի պետական բյուջեով և ներառված է փոխառությունների ծրագրում։
Անդրադառնալով այն հարցին, թե արդյոք արտաքին պարտքն այսպիսով ավելանում է 750 միլիոն դոլարով, Թունյանը վստահեցրել է, որ ոչ, քանի որ այս գումարի զգալի մասով մարվում է նախորդ՝ 4-րդ թողարկման պարտքը։
«Պարզ օրինակով ասեմ. վերցրել եք 1000 դրամ վարկ, տարիների ընթացքում մարել կամ վերադարձրել 400 դրամը: Հիմա կրկին վերցնում եք 1000 դրամ վարկ, որից 600 դրամով ամբողջությամբ մարում եք նախորդ վարկը: Դրա համար էլ նշվում է, որ պետական բյուջեի դեֆիցիտի ֆինանսավորման նպատակով կօգտագործվի եվրապարտատոմսերի թողարկումից ստացված զուտ հասույթը»,– ընդգծել է նա։
Հայաստանը տեղաբաշխել է 750 մլն ԱՄՆ դոլարի եվրապարտատոմսեր: Տեղաբաշխումը տեղի է ունեցել մարտի 5-ին։ Եվրապարտատոմսերի մարման ժամկետը 10 տարի է, եկամտաբերությունը՝ 7.1%: Նոր եվրապարտատոմսերի արժեկտրոնի եկամտաբերությունը 6.75% է:
