  ARARAT Bourbon Cask. Երաժշտական ժամանցի նոր եզրը 19 մարտի 2025 - 16:44 AMT PanARMENIAN.Net - Երևանի կոնյակի գործարանն իր նորարարական խմիչքի թողարկման շրջանակներում, The Beatles Pub Yerevan-ի հետ համատեղ երևանցիներին և մայրաքաղաքի հյուրերին ներկայացրել է մի շարք համերգներ, որոնց ընթացքում այցելուները ոչ միայն կարողացան վայելել լավ երաժշտություն, այլև համտեսել ARARAT Bourbon Cask հայկական կոնյակը։ Շարքի եզրափակիչ համերգը կայացել է մարտի 18-ին։ Այդ օրը FairWind ռոք խումբը ներկայացրել է թե ճանաչված հիթեր, թե բոլորովին նոր աշխատանքներ՝ այդ թվում «Սիրի» երգը։ «ARARAT-ի համար միշտ հետաքրքիր է որոնել և գտնել սպառողի հետ հաղորդակցման նոր ձևաչափեր։ ARARAT Bourbon Cask հայկական կոնյակը հենց իր նորարարությամբ և բացառիկությամբ պարտավորեցրեց շուկայավարական այլընտրանքային գործիքներ կիրառել և նոր իմաստներ հաղորդել ARARAT-ի կողմից տարբեր երկրներում հաջողությամբ ներդրված փորձին։ Ուրախ ենք, որ The Beatles Pub Yerevan-ի հետ մեր համատեղ նախաձեռնությունը շատ ու շատ այցելուների համար վերածվեց ջերմ և անկեղծ հիշողությունների», - նշել է Երևանի կոնյակի գործարանի արտահանման զարգացման ղեկավար Աննա Ջավադյանը։ «Ուրախ ենք, որ մեր փաբը այս նշանակալի իրադարձության մաս կազմեց։ Այս օրերին ARARAT կոնյակի հետ մեզ հասած մեղեդիները վստահաբար նոր գույներ ավելացրեցին մեր երեկոներին»,- պատմում է The Beatles Pub Yerevan-ի տնօրեն Ռուբեն Ալանակյանը։ «Լինելով քաջատեղյակ ARARAT հայկական կոնյակի արժեքներին և տեսլականին՝ այս համագործակցության հնարավորությունը մեզ՝ որպես FairWind երևանյան ռոք խմբի համար, շատ ոգևորիչ էր։ Երբ առաջին անգամ լսեցինք ARARAT Bourbon Cask-ի մասին, հասկացանք, որ այն էներգիան, այն լիցքերը և սերը, որը դրված է այդ աննախադեպ կոնյակի մեջ շատ մոտիկ է երաժշտությանը, որ մենք նվագում ենք։ Կարծում եմ, սա շատ գեղեցիկ համագործակցության օրինակ է», - նշել է FairWind խմբի մենակատար Վարդգես Հովեյանը։ ARARAT Bourbon Cask հայկական կոնյակը Երևանի կոնյակի գործարանի ևս մեկ նորարարությունն է։ Ութ տարվա հնացման այս ARARAT հայկական կոնյակը նույնպես արտադրվել է համաձայն հայկական կոնյակագործության դասական եղանակի՝ բացառապես Հայաստանում աճեցված խաղողից։ Միևնույն ժամանակ ARARAT Bourbon Cask կոնյակն առաջին հայկական կոնյակն է, որը հնացվել է տակառներում, որոնցում մինչ այդ հնացվել է բուրբոն։   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
