ՆԳՆ․ Վրացական պետհամարանիշի գողության ընդամենը մեկ դեպք է գրանցվել
Ներքին գործերի նախարարությունը հերքել է վրացական պետհամարանիշների զանգվածային գողության վերաբերյալ տարածված տեղեկությունները, հայտնում է Արմենպրեսը։
ՆԳՆ մամուլի խոսնակ Նարեկ Սարգսյանը տեղեկացրել է, որ այդպիսի միայն մեկ դեպք է գրանցվել։
«Տեղեկությունը չի համապատասխանում իրականությանը։ Մարտի 19-ից սկսած մինչ այս պահը արձանագրվել է վրացական պետհամարանիշի գողության ընդամենը մեկ դեպք՝ Կենտրոն վարչական շրջանում։ Եթե կան քաղաքացիներ, որոնք տուժել են կամ որոնց պետհամարանիշները գողացել են, խնդրում ենք դիմել ոստիկանություն», – ասել է նա։
Սոցիալական ցանցերի տարբեր հարթակներում մի խումբ օգտատերեր ահազանգել էին, որ Երևանի տարբեր հատվածներում գողացվել են Վրաստանից ժամանած ֆուտբոլասերների ավտոմեքենաների պետհամարանիշերը։
