Մեդիափորձագետ Սամվել Մարտիրոսյանն ահազանգել է, որ Signal մեսենջերը հարձակման է ենթարկվում՝ հավանական պետական կառույցի կողմից, որի գործողություններն ունեն միանշանակ չարակամ բնույթ։ Մի մասի մոտ նշվում է, որ Բաքվից է մուտքը։

Նա հորդորել է խուճապի չմատնվել, չպատասխանել իբր սպասարկումից եկող հաղորդագրություններին։

«Զգուշացում։ Signal մեսենջերի վրա հարձակում է գնում։ Թիրախներին նայելիս, կարելի է ենթադրել, որ պետական կառույց է գործում։ Ընդ որում, հստակ չարակամ։

Տենց շատ երկիր չկա, նենց որ մոտավորապես պատկերացնում եք։ Գալիս է հաղորդագրություն Սիգնալից, իբր իրենց սպասարկումից։ Վախեցնում են, որ չարագործները փորձում են կոտրել հաշիվը։ Ընդ որում, մի մասի մոտ նշվում է, որ Բաքվից է մուտքը։ Որպեսզի մարդ կտրուկ անհանգստանա ու հետ կապնվի։ Հետո կփորձեն հաշիվը մարդու վրայից տանել։ Ինչ անել։

1.Խուճապի չտրվել

2.Չպատասխանել

3.Ակտիվացնել երկփուլայինը։ Settings>>Account>>Registration Lock. Մուտքագրեք թվային փին-կոդ, դա երբեք ոչ մեկի չտաք, նույնիսկ զոքանչին։ Ու չմոռանաք հանկարծ»,–ասվում է գրառման մեջ։