  Նախարար․ 2024-ին բյուջեի եկամուտները կատարվել են 95.8 տոկոսի չափով 24 մարտի 2025 - 18:30 AMT PanARMENIAN.Net - Հայաստանի 2024 թվականի բյուջեի եկամուտների կատարողականը կազմել է 95.8 տոկոս, իսկ ծախսերը՝ 93.9 տոկոս, ըստ ֆինանսների նախարար Վահե Հովհաննիսյանի։ Նա այդ տվյալները ներկայացրել է Ազգային ժողովի ֆինանսավարկային և բյուջետային հարցերի հանձնաժողովի նիստում։ «Բյուջեի եկամուտները կատարվել են 95.8 տոկոսով, որից հարկային եկամուտները և պետական տուրքերն իրականացվել են 92.7 տոկոսով, իսկ ծախսերը՝ 93.9 տոկոսով: Ծախսերի մասով ցուցանիշը 16 տոկոսով ավելի է, քան 2023 թվականին և 9.3 տոկոսով ավելի է եկամուտների մասով»,- ասել է Հովհաննիսյանը, հայտնում է Արմենպրեսը։ Նրա խոսքով, պետական պարտքը 2024 թվականի ավարտին կազմել է 5 տրլն դրամ կամ մոտ 12.8 մլրդ դոլար՝ նախորդ տարվա համեմատ ավելանալով 6.2 տոկոսով։ «Սակայն ուրախալին այն է, որ պետական պարտքի հարաբերակցությունը ՀՆԱ-ի նկատմամբ պահպանվել է 50 տոկոսից ցածր մակարդակում՝ կազմելով 48.3 տոկոս, որը 0.1 տոկոսով ավելի ցածր է, քան 2023 թվականինը»,- ասել է նա։ Հովհաննիսյանն ընդգծել է նաև հարկեր-ՀՆԱ հարաբերակցության ցուցանիշի փոփոխությունները՝ ընդգծելով, որ այն 2024 թվականին կազմել է 23.6 տոկոս, ինչն անցյալ տարվա համեմատ նվազել է 0.45 տոկոսային կետով։ Սակայն, ինչպես նշել է նախարարը, վերջին 7 տարիների ընթացքում այդ ցուցանիշը բարելավում է արձանագրել՝ 20.8 տոկոսից բարձրանալով մինչև 23.6 տոկոս։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
