Դատախազությունը պահանջում է 4․5 մլրդ դրամ բռնագանձել Մովսես Հակոբյանից և ՊՆ այլ պաշտոնյայից 24 մարտի 2025 - 19:04 AMT PanARMENIAN.Net - Դատախազությունը հայցադիմում է ներկայացրել Զինված ուժերի գլխավոր շտաբի նախկին պետ Մովսես Հակոբյանի և ՊՆ նախկին պաշտոնյա Արմեն Հարությունյանի դեմ՝ 4․5 մլրդ դրամի բռնագանձման պահանջով։ «Դատալեքս» համակարգից ստացված տեղեկատվության համաձայն՝ հայցադիմումը ներկայացվել է Զինվորական կենտրոնական դատախազության կողմից՝ Հակակոռուպցիոն քաղաքացիական դատարան։ Հայցը մակագրվել է դատավոր Լիլի Դրմեյանին։ Դատարանի հետագա տեղեկությունները դեռևս չեն հրապարակվել։ Դատախազությունից ստացված գրավոր պատասխանով նշվում է, որ այս գործով նախաքննությունը շարունակվում է, և այլ մանրամասներ չկան, հայտնում է Factor.am-ը։ «Հայտնում եմ, որ 2025 թվականի մարտի 14-ին ՀՀ զինվորական կենտրոնական դատախազության կողմից հայցադիմում է ներկայացվել ՀՀ հակակոռուպցիոն դատարան՝ ընդդեմ Մովսես Հրանտի Հակոբյանի և Արմեն Սամսոնի Հարությունյանի՝ համապարտությամբ՝ որպես ոչ օրինաչափ վարքագծի արդյունքում պետությանը պատճառված վնասի հատուցում, հօգուտ Հայաստանի Հանրապետության 4 մլրդ 370 մլն 985 հազար դրամ բռնագանձելու մասին: Նախաքննության շահերից ելնելով՝ այլ մանրամասներ չեն տրամադրվում»,- նշված է պատասխանում։ Հակոբյանի և Հարությունյանի նկատմամբ քրեական վարույթ է ընթացք տրվել, որի նախաքննությունը դեռևս շարունակվում է։ «Ինձնից գումար չեն պահանջում»,- ասել է Հակոբյանը՝ հրաժարվելով խոսել իր դեմ ներկայացված հայցադիմումի մասին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
