  ԱԺ-ն 64 կողմ ձայնով ամբողջությամբ ընդունել է ԵՄ-ին անդամակցելու գործընթացի մեկնարկի նախագիծը 26 մարտի 2025 - 11:19 AMT PanARMENIAN.Net - Երկրորդ ընթերցմամբ և ամբողջությամբ հաստատվել է «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը։ Նախագծի քվեարկությանը 64 կողմ ձայնով մասնակցել է իշխող «Քաղաքացիական պայմանագիր» խմբակցությունը։ «Պատիվ ունեմ» խմբակցությունն իր դիրքորոշմամբ դեմ է արտահայտվել, իսկ «Հայաստան» խմբակցությունն չի մասնակցել քվեարկությանը, հայտնում է «Այսօրը»։ Կառավարությունն առաջարկել է օրինագծից դուրս թողնել նախաբանը՝ վերաձևակերպելով «Հայաստանը՝ արտահայտելով ժողովրդի կամքը» նախադասությունը։ Այն փոխարինվել է հետևյալ տարբերակով՝ «Հայաստանը, նպատակ ունենալով զարգացնել ժողովրդավարական ինստիտուտները, բարձրացնել հասարակության բարեկեցությունը, ամրապնդել անվտանգությունը, դիմակայունությունը և իրավունքի գերակայունությունը, հայտարարում է Հայաստանի՝ ԵՄ-ին անդամակցելու գործընթացի մեկնարկը»։ ՀՀ արտաքին գործերի փոխնախարար Պարույր Հովհաննիսյանն ընդգծել է` օրինագծի ընդունումը դեռևս չի նշանակում անդամակցության հայտի ներկայացում։ «Այնուամենայնիվ, այն հաղորդում է ԵՄ-ի հետ գործընկերության խորացումը նոր մակարդակի հասցնելու ցանկություն ունեցող ՀՀ քաղաքացիների ձգտումը ու համահունչ է բալանսավորված արտաքին քաղաքականությանը»,- ընդգծել է նա։ Փետրվարին 12-ին ԱԺ-ն առաջին ընթերցմամբ ընդունել էր քաղաքացիական նախաձեռնության կարգով ներկայացված օրինագիծը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
