ՀՀ-ում կվերականգնեն Հայրենականին նվիրված ավելի քան 900 հուշարձան

ՀՀ-ում կվերականգնեն Հայրենականին նվիրված ավելի քան 900 հուշարձան

PanARMENIAN.Net - Հայաստանում մեկնարկած նոր նախաձեռնությամբ մի քանի տարվա ընթացքում կվերականգնվի ավելի քան 900 հուշակոթող, որոնք նվիրված են Հայրենական մեծ պատերազմին։

Նախաձեռնությունը «Հայաստանի անմահ գունդ» հայրենասիրական ՀԿ-ինy և «Անմահ գունդ» միջազգային շարժման երևանյան համակարգող Մհեր Ավետիսյանինն է։ Այդ մասին հայտնել է «Անմահ գունդն արտերկրում» պատմամշակութային ՀԿ-ի տնօրեն Էդմոն Հովհաննիսյանը, հայտնում է Sputnik Արմենիան:

«Արդեն թույլտվություն ստացել ենք կառավարությունից։ Այսօրվանից սկսում ենք շինարարների ու ճարտարապետների հետ իրականացնել նախագիծը», – նշել է նա։

Հովհաննիսյանը մանրամասնել է, որ նախագիծն ունի բազմամյա ընթացք։ Ըստ նրա՝ որոշ հուշարձաններ անհրաժեշտ է ամբողջությամբ վերականգնել, իսկ մյուսները՝ բարեկարգել և համապատասխան տեսքի բերել։

Ծրագրի շրջանակում մինչև մայիսի 9-ը նախատեսվել է վերականգնել առաջին չորս հուշակոթողը։

Ներկայումս հուշարձանների գույքագրում է իրականացվում Այնթափում, Մասիսում և Փարաքարում։ Ճարտարապետներն արդեն կազմում են էսքիզային նախագծեր, որոնք ներկայացվելու են ՀՀ կրթության, գիտության, մշակույթի և սպորտի նախարարությանը։

Հաստատումից հետո կսկսվեն վերականգնման աշխատանքները։

 Ուշագրավ
Պատճառը Մերձավոր Արևելքում հակամարտության սրացումն է
Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ
Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը
Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման
---