Վարդան Ղուկասյանի աջակիցներն ԱՄՆ դեսպանատան մոտ պահանջել են արդար դատաքննություն![]() 26 մարտի 2025 - 13:22 AMT PanARMENIAN.Net - ԴՕԿ կուսակցության ղեկավար, նախկին ռազմական ոստիկան Վարդան Ղուկասյանի աջակիցները ԱՄՆ դեսպանատան առջև մարտի 25-ին կազմակերպել են բողոքի ակցիա՝ պահանջելով արդար դատաքննություն նրա համար: Ցույցի մասնակիցներն իրենց ձեռքին պահել են ԱՄՆ նախագահ Դոնալդ Թրամփի և «Դոգ» մականունով հայտնի նախկին ռազմական ոստիկանի մեծադիր պատկերները։ Նրանք պնդել են, որ Ղուկասյանը ենթարկվել է քաղաքական հետապնդման, իսկ արտահանձնման դեպքում նրա կյանքին վտանգ է սպառնում, հայտնում է «Ազատությունը»: «Ես չեմ ուզում իրեն արտահանձնեն Հայաստանին, որովհետև իրա կյանքին վտանգ ա սպառնում, այ հենց դրա համար, ու ես միշտ էլ նրան լսել եմ, ճիշտ ա իրա հայհոյանքները, բանը դնենք մի կողմ, բայց էն, որ ինքը ազնիվ ա, դա միանշանակ», - ասել է ակցիայի մասնակիցներից մեկը: Ազգային ժողովի նախագահ Ալեն Սիմոնյանը, արձագանքելով աջակիցների հայտարարություններին, հավաստիացրել է, որ ՀՀ-ում ոչ ոքի կյանքին վտանգ չի սպառնում՝ նույնիսկ եթե նա վիրավորել է իշխանություններին: «Հա, ի՞նչ, քիչ մա՞րդ ա հայհոյում»,-ասել է նա: ԱՄՆ-ի Մաքսային և միգրացիայի վարչությունը հայտնել է, որ Վարդան Ղուկասյանը ձերբակալվել է փետրվարի 20-ին՝ միգրացիոն գործընթացի շրջանակում։ Ըստ նույն աղբյուրի՝ նա 2022 թվականի փետրվարի 19-ին մուտք է գործել Միացյալ Նահանգներ, սակայն չի լքել երկիրը նշված ժամկետի ընթացքում։ Ամերիկյան դատարանը դեռ քննում է ՀՀ գլխավոր դատախազության 2023-ին ներկայացված՝ նրան արտահանձնելու միջնորդությունը։ Վերջերս կալանավայրից նա ուղերձ է հղել իր աջակիցներին՝ իրավիճակը համեմատելով Թուրքիայում Ստամբուլի քաղաքապետ Էքրեմ Իմամօղլուի շուրջ զարգացած իրադարձությունների հետ։ «Մեկ մարդու նման հավաքվում եք Հայաստանում ԱՄՆ դեսպանատան առաջ և պահանջում ԱՄՆ կառավարությունից օբյեկտիվ, նորից եմ կրկնում, օբյեկտիվ քննություն Վարդան Ղուկասյանի գործով», - ասել էր նա: Նրա կոչին արձագանքելով՝ աջակիցները հավաքվել են ԱՄՆ դեսպանատան դիմաց՝ իրենց պահանջը փոխանցելու։ ԴՕԿ կուսակցության ներկա ղեկավար Անուշ Խուդավերդյանը հայտարարել է, որ Վարդան Ղուկասյանին ներկայացված մեղադրանքները հորինված են։ Ղուկասյանի փաստաբանի տեղեկացմամբ՝ հաջորդ դատական նիստը տեղի կունենա ապրիլին։ Ղուկասյանին Հայաստանում մեղադրանքներ են առաջադրվել խարդախության, շորթման, սպառնալիքների ու բռնության հրապարակային կոչերի հոդվածներով։ Նա այդ մեղադրանքները չի ընդունում։ Լաս Վեգասի դատարանը վերջերս մերժել է նրա խափանման միջոցը փոխելու միջնորդությունը։ Ղուկասյանն արդեն ավելի քան 30 օր կալանքի տակ է։ ![]() ![]() Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս ![]() ![]() ![]() | ![]() ![]() ![]() ![]() ![]() ![]() ![]() ![]() |