Ավտոպահեստամասերի գողության համար պատիժը կխստացվի՝ այն կդասվի միջին ծանրության հանցագործությունների շարքին, ինչն ավելի խիստ պատիժ է ենթադրում։ Կառավարության այսօրվա նիստում հաստատվել է Քրեական օրենսգրքում համապատասխան փոփոխությունների նախագիծը։

Նախագծի համաձայն՝ նման գողությունը կպատժվի 20-50 հազար դրամի չափով վարչական տուգանքով, կամ 150-270 ժամ հանրօգուտ աշխատանքի կիրառմամբ, կամ մեկից երեք տարի ազատազրկմամբ, կամ առավելագույնը հինգ տարի ազատազրկմամբ։

Գործող օրենսգրքով ներկայումս սահմանված է առավելագույնը 20 հազար դրամի տուգանք, մինչև 150 ժամ հասարակական աշխատանք կամ մինչև երկու տարի ազատազրկում։

Ներքին գործերի նախարարության մեկնաբանության համաձայն՝ փոփոխությունների ընդունումից հետո հնարավոր է ընդլայնել կալանքի կիրառումը որպես խափանման միջոց։

Վերջին տարիներին արձանագրվել է նման գողությունների աճ՝ հատկապես արտասահմանյան պետհամարանիշների և թանկարժեք մետաղներ պարունակող օգտագործված կատալիզատորների գողության դեպքերի։

օրենքի նախագծի ընդունումից հետո դատական պրակտիկայում առավել մեծ հնարավորություններ կստեղծվեն նշված հանցատեսակի քննության ընթացքում նոր հանցագործություններ կատարելը կանխելու նպատակով կալանավորումը որպես խափանման միջոց կիրառելու համար: Նախագծի ընդունման արդյունքում տրանսպորտային միջոցների բաղադրիչ մասերի, սարքերի կամ սարքավորումների գողությունների համար կսահմանվի ավելի խիստ պատիժ, որը կզսպի ներկայումս լայն տարածում ստացած հանցատեսակի աճը։