  ԳԱԱ-ում միջազգային գիտաժողով կանցկացվի՝ ՆԱՏՕ-ի ծրագրի աջակցությամբ 28 մարտի 2025 - 18:25 AMT PanARMENIAN.Net - Մարտի 31-ին Գիտությունների ազգային ակադեմիայում կմեկնարկի «Ցածր դոզայով ճառագայթահարման ռիսկերը. ընթացիկ հետազոտություններ և ապագա հեռանկարներ» խորագրով միջազգային գիտաժողովը։ Միջոցառումը կազմակերպվել է Կանադայի ՄքՄասթեր համալսարանի և ՀՀ ԳԱԱ մոլեկուլային կենսաբանության ինստիտուտի նախաձեռնությամբ՝ ՆԱՏՕ-ի «Գիտություն հանուն խաղաղության և անվտանգության» ծրագրի աջակցությամբ։ Գիտաժողովի նպատակն է համախմբել ոլորտի փորձագետներին՝ գիտական տվյալների հիման վրա մշակելու ճառագայթման հետևանքով առաջացող ռիսկերին գնահատման, կանխարգելման և նվազեցման արդյունավետ մոտեցումներ, ինչը կխթանի ճառագայթային պաշտպանության համակարգի զարգացումը։ Գիտաժողովի օրակարգում ներառված են մի շարք թեմաներ, այդ թվում՝ ցածր դոզայով ճառագայթման կենսաբանական ազդեցությունը, ռադիոէկոլոգիական հարցերը, էկոթունաբանության և կենսամարկերների դերը ռիսկերի գնահատման գործընթացում, ճառագայթային պաշտպանության արդի մեթոդները, ինչպես նաև՝ կարգավորող մարմինների ու գիտական շրջանակների միջև համագործակցության հնարավոր ուղղությունները։ Գիտաժողովում զեկուցումներով հանդես են գալու առաջատար մասնագետներ մի շարք երկրներից, այդ թվում՝ ԱՄՆ-ից, Գերմանիայից, Լեհաստանից, Կանադայից, Հայաստանից, Ճապոնիայից, Մեծ Բրիտանիայից, Նորվեգիայից, Ուկրաինայից և Ֆրանսիայից։ Գիտաժողովի աշխատանքները շարունակվելու են մինչև ապրիլի 2-ը, և անցկացվելու են անգլերեն լեզվով։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
