  Աշոտյանը կմնա տնային կալանքի տակ ևս 3 ամիս 1 ապրիլի 2025 - 11:03 AMT PanARMENIAN.Net - Հայաստանի Հանրապետական կուսակցության փոխնախագահ Արմեն Աշոտյանի նկատմամբ կիրառվող տնային կալանքի ժամկետը Հակակոռուպցիոն դատարանը որոշել է երկարաձգել ևս 3 ամսով։ Գործի քննությունն իրականացվել է դատավոր Վահե Դոլմազյանի նախագահությամբ։ Դատարանը միաժամանակ որոշել է, որ Աշոտյանը կարող է իր բնակարանում հանդիպումներ ունենալ ՀՀԿ անդամների հետ, հայտնում է Aravot.am-ը։ Դատական նիստում դատարանը նաև բավարարել է Աշոտյանի պաշտպան Ռուբեն Մելիքյանի միջնորդությունը՝ նրան հնարավորություն տալով հեռակա կարգով մասնակցել ապրիլի 2-ին կայանալիք Եվրոպական ժողովրդական կուսակցության միջոցառմանը։ Այսօրվա դատական նիստի ընթացքում հարցաքննվել է Երևանի պետական բժշկական համալսարանի հիմնադրամի և Հերացի արհեստակցական կազմակերպության հաշվապահ Անի Ղանդիլյանը, որի հարցաքննությունը կշարունակվի հաջորդ դատական նիստում, որը նախատեսված է ապրիլի 9-ին։ Արմեն Աշոտյանը կալանավորվել է 2023 թվականի հունիսի 16-ին, իսկ 2024 թվականի սեպտեմբերի 10-ին դատարանը փոխել է նրա խափանման միջոցը՝ սահմանելով տնային կալանք։ Աշոտյանը և Երևանի Հերացու անվան բժշկական համալսարանի նախկին ռեկտոր Միքայել Նարիմանյանը մեղադրվում են բուհին պատկանող մոտ 100 հազար դոլարի գույքի հափշտակության մեջ։ Ըստ մեղադրանքի՝ նրանք «Ծովասար» հյուրանոցային համալիրի քոթեջները ձեռք են բերել ուռճացված գներով, որոնց հաջորդել են «ատկատային» գործարքներ։ Այդ ժամանակ Աշոտյանը ղեկավարել է բուհի հոգաբարձուների խորհուրդը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
