Ապրիլյան քառօրյա պատերազմի 9-րդ տարելիցն է

Ապրիլյան քառօրյա պատերազմի 9-րդ տարելիցն է

PanARMENIAN.Net - Ապրիլյան քառօրյա պատերազմի 9-րդ տարելիցն է․ 2016 թվականի ապրիլի լույս 2-ի գիշերը Ադրբեջանի զինված ուժերը լայնամասշտաբ հարձակում սկսեցին Արցախի դեմ։

Ադրբեջանական բանակը լայնածավալ հարձակման էր անցել շփման գծի ամբողջ երկայնքով՝ կիրառելով հրետանային միջոցներ, տանկային ստորաբաժանումներ, հրթիռային կայաններ և ռազմաօդային ուժեր։ Առճակատումը տևեց 4 օր՝ հետագայում ստանալով Քառօրյա պատերազմ կամ Ապրիլյան պատերազմ անվանումը։ Առավել թեժ մարտեր են ընթացել ռազմաճակատի վերածված առաջնային գծի հարավային՝ Հադրութի, և հյուսիսարևելյան՝ Մարտակերտի ուղղություններով։

Ապրիլի 5-ին՝ Ռուսաստանի միջնորդությամբ, կողմերը համաձայնության են եկել կրակի դադարեցման շուրջ, սակայն որոշ հատվածներում բախումները շարունակվել են։

Պաշտոնական տվյալներով՝ հայկական կողմն ունեցել է 110 զոհ և 120 վիրավոր, կորցվել է մոտ 800 հա տարածք: Ըստ ադրբեջանական պաշտոնական աղբյուրների՝ նրանց բանակը կրել է մինչև 300 զոհ, ներառյալ՝ հատուկ նշանակության ուժերի զինծառայողներ։

 Ուշագրավ
---