Գրիգորյանն ու Գրոնոն քննարկել են իրավիճակը Հարավային Կովկասում

PanARMENIAN.Net - Հայաստանի անվտանգության խորհրդի քարտուղար Արմեն Գրիգորյանն ապրիլի 3-ին ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպման ընթացքում քննարկվել են Հարավային Կովկասում անվտանգությանը վերաբերող հարցերը, ինչպես նաև առկա մարտահրավերները։

Զրուցակիցները կարծիքներ են փոխանակել Հայաստանի և Ադրբեջանի միջև հարաբերությունների կարգավորման ընթացքի վերաբերյալ։

ԱԽ քարտուղարն ընդգծել է․ «Հայաստանը պատրաստ է արագ կնքել Խաղաղության համաձայնագիրը, որը կբերի տարածաշրջանային կայունության և երկարաժամկետ խաղաղության»։

Ներկայացվել են նաև Հայաստան-Եվրամիություն գործընկերության օրակարգի տարբեր ուղղություններ։

Մարտի 13–ին ՀՀ ԱԳՆ–ն հայտարարել է, որ ընդունել է չհամաձայնեցված 2 հոդվածի վերաբերյալ ադրբեջանական կողմի առաջարկները և որ Խաղաղության համաձայնագիրը պատրաստ է ստորագրման: Նշվում է, որ ՀՀ–ն պատրաստ է խորհրդակցություններ սկսել համաձայնագրի ստորագրման ժամկետների և տեղի շուրջ։ Բաքվից առաջ են քաշել նոր նախապայմաններ և հայտարարել, թե դեռ վաղ է խոսել հանդիպման ժամկետների մասին:a