Որոշվել են պատանիների շրջանում Ձյուդոյի Հայաստանի գավաթի հաղթողները

PanARMENIAN.Net - Երեւանում ավարտվել է Ձյուդոյի Հայաստանի գավաթի անհատական խաղարկությունը պատանիների շրջանում: Մրցաշարին մասնակցել է ավելի քան 100 մարզիկ Հայաստանի բոլոր մարզերից:



Հանդիպումների արդյունքում հաղթողի կոչմանն արժանացել են Գոռ Հարությունյանը (ք/կ 50 կգ), Լեւոն Ավիկյանը (ք/կ 55կգ), Գեւորգ Թորոսյանը (ք/կ 60 կգ), Հայկ Ալեքսանյանը (ք/կ 66 կգ), Մինաս Մադոյանը (ք/կ 73 կգ), Մհեր Թավաքալյանը (ք/կ 81 կգ), Գոռ Մարգարյանը (ք/կ 90 կգ) եւ Դավիթ Ալմաստյանը (ք/կ +90 կգ):



Վերը թվարկված պատանի ձյուդոիստներից ոմանք կընդգրկվեն հավաքականի կազմում` մասնակցելու Եվրոպայի պատանեկան առաջնությանը, որը տեղի կունենա հունիսի 26-ից մինչեւ 29-ը Կոպերում (Սլովենիա): Ինչպես PanARMENIAN.Net ին հաղորդեց Հայաստանի պատանեկան հավաքականի գլխավոր մարզիչ Մարտին Սարգսյանը, հավաքականի վերջնական կազմը կորոշվի ուսումնամարզական հավաքից հետ, որը տեղի կունենա հունիսի 12-ից մինչեւ 21-ն Աբովյանում: