  Անթալիայի ֆորումին մասնակցում են Միրզոյանը, Կոստանյանն ու Ռուբինյանը 11 ապրիլի 2025 - 14:32 AMT PanARMENIAN.Net - Հայաստանի արտաքին գործերի նախարար Արարատ Միրզոյանը, փոխնախարար Վահան Կոստանյանն ու Ազգային ժողովի փոխնախագահ Ռուբեն Ռուբինյանը մեկնել են Թուրքիա՝ Անթալիայի դիվանագիտական միջոցառմանը մասնակցելու նպատակով, գրում է «Ազատությունը»։ Փոխարտգործնախարար Վահան Կոստանյանն արդեն հանդիպում է ունեցել Թուրքիայի փոխարտգործնախարար Այշե Էքինջիի հետ՝ այդ մասին հայտնելով X –ի իր միկրոբլոգում։ Նա կարևոր է համարել հանդիպումը՝ հայ-թուրքական հարաբերությունների կարգավորման և հնարավոր համագործակցության նոր ոլորտներ բացահայտելու տեսակետից»։ Ֆորումի շրջանակում Արարատ Միրզոյանը մասնակցելու է պանելային քննարկման՝ Ադրբեջանի և Վրաստանի արտաքին գործերի նախարարների հետ։ Թեման լինելու է «Հարավային Կովկասում տարածաշրջանային համագործակցության մարտահրավերներ և հնարավորություններ»։ Ռուբեն Ռուբինյանը, որը ևս մասնակցում է ֆորումին, հանդես է գալիս նաև որպես Հայաստանի բանագնաց հայ-թուրքական կարգավորման գործընթացում, սակայն, առայժմ պարզ չէ՝ նախատեսվո՞ւմ է նրա հանդիպումը թուրքական կողմի բանագնաց Սերդար Քըլըչի հետ, թե ոչ։ Անթալիայում է նաև Ադրբեջանի նախագահ Իլհամ Ալիևը, ով արդեն հանդիպում է ունեցել Թուրքիայի նախագահ Ռեջեփ Թայիփ Էրդողանի հետ։ ՀՀ–ն երրորդ անգամ է մասնակցում Անթալիայի դիվանագիտական ֆորումին։ Աշխատանքային այցի շրջանակներում ծրագրված են նաև երկկողմ հանդիպումներ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
