Ըստ հաղորդման՝ ապրիլի 14-16-ը՝ հանրապետության մեծ մասում օրվա տարբեր ժամերին սպասվում են տեղումներ, իսկ լեռնային գոտիներում՝ ձյան տեսքով, ապրիլի 17-ի գիշերը՝ որոշ շրջաններում։

Ապրիլի 17-ի ցերեկը և 18-ին սպասվում է առանց տեղումների եղանակ, հայտնում է Շրջակա միջավայրի նախարարության «Հիդրոօդերևութաբանության և մոնիտորինգի կենտրոն» ՊՈԱԿ-ը ներկայացրել է առաջիկա շաբաթվա եղանակի կանխատեսումը։

Քամին կլինի հարավարևմտյան ուղղության՝ 5-8 մ/վ արագությամբ, սակայն ապրիլի 13-16-ը կանխատեսվում է քամու ուժգնացում՝ հասնելով 15-18 մ/վ։

Օդի ջերմաստիճանը ապրիլի 15-ի ցերեկային ժամերին կնվազի մոտ 2-3 աստիճանով, իսկ ապրիլի 17-18-ը աստիճանաբար կբարձրանա 6-8 աստիճանով։

Երևան քաղաքում՝ ապրիլի 13-ի ցերեկը սպասվում է կարճատև անձրև, 14-16-ը՝ անձրև։ Ապրիլի 17-18-ը սպասվում է առանց տեղումների եղանակ։ Ապրիլի 15–ին մայրաքաղաքում ցերեկային ժամերին սպասվում է +16 աստիճան, իսկ ապրիլի 16–ին՝ +14։