  Երեւանում ելույթ են ունենալու դիրիժոր Վադիմ Շուբլաձեն եւ դաշնակահարուհի Անահիտ Չաուշյանը 3 հունիսի 2009 - 16:51 AMT PanARMENIAN.Net - Հունիսի 12-ին Արամ Խաչատրյանի անվան համերգասրահում տեղի կունենա Հայաստանի ֆիլհարմոնիկ նվագախմբի համերգը դաշնակահարուի Անահիտ Չաուշյանի (Բելգիա) մասնակցությամբ եւ Թբիլիսիի Կամերային ֆիլհարմոնիկ նվագախմբի գեղարվեստական ղեկավար Վադիմ Շուբլաձեի ղեկավարությամբ: Համերգի ընթացքում կհնչեն Բզվանելիի սիմֆոնիա-ռեքվիեմը, Վագների «Ռիենցի» օպերայի նախերգանքը եւ Բեթհովենի դաշնամուրի կոնցերտ թիվ 4-ը:Վադիմ Շուբլաձեն ծնվել է Թբիլիսիում 1934-ին: Լինելով Թբիլիսիի Պետական կոնսերվատորիայի ուսանող` ապագա դիրիժորը հնարավորություն է ունեցել գլխավորել օպերայի եւ բալետի Մարինյան թատրոնը Վերդիի «Տրավիատայի» կատարման ժամանակ, որից հետո ելույթ է ունեցել Սպենդիարյանի անվան օպերային թատրոնի հետ: խորհրդային Միության առաջատար դիրիժորներից մեկը` Վադիմ Շուբլաձեն, շատ ժամանակակից դասական ստեղծագործությունների առաջին կատարողն է: Դիրիժորի վերջին աշխատանքներից է «Իմ Հայաստան» ձայնասկավառակը, որի մեջ մտել են հայ կոմպոզիտորների ստեղծագործությունները Մեծ թատրոնի նվագախմբի կատարմամբ: Հայաստանում վիոլենչելի դպրոցի հիմնադիր Ալեքսանդր Չաուշյանի թոռնուհի եւ անվանի կոմպոզիտոր Լեւոն Չաուշյանի դուստր Անահիտ Չաուշյանը, ավարտելով Երեւանի կոնսերվատորիան, 1994-ին տեղափոխվել է Բելգիա, որտեղ ավարտել է Բրյուսելի Թագավորական կոնսերվատորիան:   Ուշագրավ Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․   Ամենաընթերցվողը բաժնում |  Բաժիններ թեմայով Վերջին լուրեր Fastex-ը Երևանում է հյուրընկալում 5-րդ Harmony Meetup-ի web3 մասնագետներին  Պանելային քննարկումների կարմիր թելը «կենտրոնացած է ապակենտրոնացման» վրաԱկբա Լիզինգը գլխամասային նոր գրասենյակ ունի Գլխամասային գրասենյակն ունի անհատական ավտոկայանատեղի, գործնական հանդիպումների համար սրահներ«Ազատություն»․ ՀՀ-ն 10 մլն եվրո կստանա ԵՄ Խաղաղության հիմնադրամից՝ Հունգարիան հանել է արգելանքը Ավելի վաղ հայտնի դարձավ, որ Ադրբեջանին ևս 10 մլն եվրո կհատկացվի՝ ականազերծման համարԲաքուն «անհիմն և անարդար» է անվանել ԵԽ Խոշտանգումների կանխարգելման կոմիտեի հայտարարությունը Ըստ Բաքվի՝ Կոմիտեն աննախադեպ որոշում է կայացրել՝ հրապարակելով զեկույցն առանց Ադրբեջանի համաձայնության |
