ԱՊՀ բուհերը ստեղծում են Ցանցային բաց համալսարան

PanARMENIAN.Net - Հունիսի 9-12-ը Մոսկվայում տեղի է ունենալու «Անկախ պետությունների համագործակցության ցանցային բաց համալսարանի ստեղծումը» միջազգային համաժողովը, որտեղ ստորագրվելու է ԱՊՀ Ցանցային բաց համալսարանի ստեղծման հարցով կոնսորցիումի մասնակիցների համաձայնագիրը:



Ցանցային բաց համալսարանի ստեղծման նախագիծը նախաձեռնվել էր 2008-ին Ժողովուրդների բարեկամության ռուսական համալսարանի կողմից ԱՊՀ մասնաից-երկրների Հումանիտար համագործակցության միջպետական հիմնադրամի աջակցությամբ:



Նախագծի հիմնական նպատակը ակադեմիական շարժման զարգացման, բարձրագույն կրթության ոլորտում միջբուհական կապերի եւ համագործակցության ամրապնդումն է, բարձրագույն կրթության որակի գրավչության բարձրացումն ԱՊՀ տարածքում:



Նախագիծն ուղղված է բարձրակարգ մագիստրական ծրագրերի կազմակերպմանը եւ իրագործմանը, բարձրագույն որակավորման մասնագետներ պատրաստելու ոլորտում միջազգային համագործակցության ամրապնդմանը եւ ասպիրանտների փոխանակման աջակցությանը, թեկնածուական դիսերտացիաներ պատրաստելու նպատակով համատեղ գիտական հետազոտությունների անցկացմանը: ԱՊՀ Ցանցային բաց համալսարանի շնորհիվ ուսանողները հնարավորություն են ունենալու ուսուցում ստանալ ինչպես իրենց բուհում, այնպես էլ նախագծի մասնակից այլ բուհում եւ ստանալ բարձրագույն կրթության մասին համապատասխան դիպլմներ:



Համատեղ ջանքների արդյունքում 2008-ին աշխատանք է տարվել նախագծի մեջ ԱՊՀ մասնակից-երկրների բուհերին ընդգրկելու համար:



ԱՊՀ Ցանցային բաց համալսարանի կրթական գործունեությանհիմնական ուղղությունները կդառնան իրավաբանության ոլորտում «Միջազգային իրավունքը», մենեջմենթի ոլորտում «Միջազգային նախագծերի կառավարումը», «Միջազգային մենեջմենթը» եւ բանասիրության ոլորտում «Ռուսաց լեզուն»: