  Ադրբեջանի նախագահի հայտարարություններում սկսել են դրական նոտանե՞ր հնչել 8 հուլիսի 2009 - 21:17 AMT PanARMENIAN.Net - Ադրբեջանի նախագահի հայտարարություններում սկսել են դրական նոտաներ հնչել: Այդ մասին Երեւանում կայացած մամլո ասուլիսին հայտնել է Լեռնային Ղարաբաղի հակամարտության կարգավորման գծով ԵԱՀԿ ՄԽ ամերիկյան համանախագահ Մեթյու Բրայզան: Նրա խոսքով, այն, որ Ալիեւը խոսեց «Լեռնային Ղարաբաղի բնակչության անվտանգության» մասին, դրական երեւույթ է:Ինչ վերաբերում է հայ-թուրքական հարաբերությունների կարգավորման ազդեցությանը Լեռնային Ղարաբաղի շուրջ բանակցությունների վրա, ապա ամերիկյան դիվանագետը հերթական անգամ ընդգծել է, որ այդ երկու գործընթացները զուգահեռ են ընթանում եւ դրանք չի կարելի միեւնույն տեսանկյունիս դիտարկել: «Ճիշտ է, եթե գործընթացներից մեկն ավելի արագ ընթանա, ապա դա, անկասկած, կազդի մյուսի վրա»,- ասել է Բրայզան: Դրա հետ մեկտեղ նա ժխտել է իրեն Ադրբեջանում ԱՄՆ դեսպան նշանակելու մասին ադրբեջանական ԶԼՄ տեղեկատվությունը: «Ես ոչ մի տեղեկատվություն չունեմ, նախագահ Օբաման Սենատին չի առաջարկել դեսպանի թեկնածությունը, ուստի ես առայժմ մնում եմ ԵԱՀԿ ՄԽ համանախագահ եւ ԱՄՆ պետքարտուղարի օգնական»,- ընդգծել է Բրայզան: Համանախագահներ Բեռնար Ֆասյեն եւ Յուրի Մերզլյակովն իրենց հերթին համաձայնեցին, որ Ադրբեջանի նախագահի հռետորությունը փոքր-ինչ մեղմացել է: «Մենք երկար տարիներ ասում էին Ալիեւին, որպեսզի նա դադարի ռազմական հայտարարություններ կատարել, եւ կարծես, նա մեզ արդեն ականջ է դնում»,- նշել է Ֆասյեն: «Ռոսիա» հեռուստաալիքին տված հարցազրույցում Ադրբեջանի նախագահ Իլհամ Ալիեւը հայտնել է, որ «հարկավոր է երաշխավորել Լեռնային Ղարաբաղի բնակչության անվտանգությունը»:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Բաժիններ թեմայով Սյուժե Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
