ՀԱՅԱՍՏԱՆԻ ԵՒ ԱԴՐԲԵՋԱՆԻ ՀՈԳԵՒՈՐ ԱՌԱՋՆՈՐԴՆԵՐԻ ՀԱՆԴԻՊՈՒՄԸ ԿՐԿԻՆ ՀԵՏԱՁԳՎՈՒՄ Է 2 ապրիլի 2002 - 23:45 AMT PanARMENIAN.Net - Հայաստանի եւ Ադրբեջանի հոգեւոր առաջնորդների հանդիպումը հերթական անգամ հետաձգվում է անորոշ ժամկետով: Հիշեցնենք, որ հանդիպման մասին նախնական պայմանավորվածությունը ձեռք էր բերվել դեռեւս աշնան վերջին եւ պետք կայանար Համայն Ռուսիո պատրիարք Ալեքսի Երկրորդի միջնորդությամբ: Երեւանյան եւ Բաքվի մամուլում բազմիցս անգամ ասվել են հանդիպման մոտավոր ժամկետները: Սկզբում խոսքը գնում էր դեկտեմբերի մասին, այնուհետեւ` փետրվարի սկզբի: Սակայն, Ամենայն Հայոց Կաթողիկոս Գարեգին Երկրորդի եւ Անդրկովկասի մուսուլմանների վարչության առաջնորդ շեյխ ուլ-իսլամ Ալլահշուքյուր Փաշազադեի բանակցություններն այդպես էլ չկայացան: «Արմինֆո» գործակալության տվյալներով, առայժմ հայտնի չէ, թե երբ դրանք կկայանան: Մայր աթոռ Սուրբ Էջմիածնի գրասենյակի մամուլի ծառայությունում տեղեկացրել են, որ հանդիպման անցկացման նախապատրաստական աշխատանքներ առայժմ չեն տարվում: Միեւնույն ժամանակ, Բաքվի ԶԼՄ-երը տվյալներ ունեն այն մասին, որ Անդրկովկասի մուսուլմանների վարչությունում շարունակվում են Ադրբեջանի եւ Հայաստանի հոգեւոր առաջնորդների հանդիպման նախապատրաստման աշխատանքները: Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է: ![]() ![]()
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս ![]() ![]() ![]() | ![]() ![]() ![]() ![]() ![]() ![]() |