Սեւծովյան Տնտեսական Համագործակցության Կազմակերպության (ՍՏՀԿ) նիստի շրջանակներում թուրք պատվիրակների հետ հանդիպման ժամանակ հայկական կողմը հետաքրքրվեց, թե ինչու է Թուրքիայի վարչապետ Ռեջեփ Թայիփ Էրդողանն իր հայտարարություններում ամեն կերպ կապում հայ-թուրքական Արձանագրությունների վավերացման հարցը Լեռնային Ղարաբաղի հակամարտության հետ: Թուրք պատվիրակներն այդպես էլ ճշգրիտ պատասխան չտվեցին, սակայն նրանց խոսքերից պարզ դարձավ, որ Հայաստանի հետ հարաբերությունների կարգավորմամբ Թուրքիան ցանկանում է իրական տեղաշարժի հասնել եվրոինտեգրման քաղաքականության գործընթացում,- այսօր Երեւանում կայացած մամլո ասուլիսին հայտնել է Հայաստանի Հանրապետական կուսակցության (ՀՀԿ) խորհրդարանական խմբակցությունից պատգամավոր Գագիկ Մինասյանը: