ՀՀ ֆինանսների նախարարությունն ամփոփեց անցկացվածհաշվապահների որակավորման հերթական քննության արդյունքները, հաղորդում է նախարարության մամլո ծառայությունը:

Հաղորդագրության համաձայն, քննությանը մասնակցած 15 հաշվապահներից որակավորվել են տասը: Հրավիրված դիմորդներից երկուսը քննության չեն ներկայացել:

Ինչպես նշվում է հաղորդագրության մեջ, 2009 թվականի ընթացքում անցկացված հաշվապահների որակավորման 16 քննությունների արդյուքներով 112 հաշվապահի շնորհվել են որակավորման վկայականներ: Քննություններին մասնակցել են ընդհանուր թվով 208 դիմորդ:

Հայաստանի Հանրապետությունում դեկտեմբերի 16-ի դրությամբ թվով 232 հաշվապահ ունի որակավորման վկայական: