  Երեւանը պատրաստվում է Իրանի ԱԳՆ ղեկավարի այցին22 հունվարի 2010 - 15:53 AMT PanARMENIAN.Net - Հունվարի 26-ին Երեւան կժամանի Իրանի արտգործնախարար Մանուչեհր Մոթաքին: Այդ մասին այսօր Երեւանում կայացած 2009 թ. ամփոփիչ մամլո ասուլիսում հայտնեց ՀՀ ԱԳ նախարար Էդվարդ Նալբանդյանը: «Հունվարի վերջին կկայանա հայ-իրանական միջկառավարական հանձնաժողովի նիստը: Հայաստանի ու Իրանի միջեւ ինտենսիվ համագործակցություն է ծավալվում»,- ասաց ՀՀ արտաքին քաղաքական գերատեսչության ղեկավարը: Երեւանն ու Թեհրանը նախապես պայմանավորվել էին հունվարի վերջին Երեւանում Իրան-Հայաստան երկաթուղային ճանապարհի կառուցման աշխատանքային խմբի հետ եռակողմ հանդիպում անցկացնել: Հաշվի առնելով Իրան-Հայաստան երկաթուղու կառուցման կարեւորությունը` Հայաստանի, Իրանի եւ Ռուսաստանի տրանսպորտի փոխնախարարների մակարդակով աշխատանքային խումբ է ստեղծվել, որը զբաղվելու է ուղիղ երկաթուղային հաղորդակցության ստեղծման նախագծի մշակմամբ: Նախնական տվյալների համաձայն, Իրան-Հայաստան երկաթուղային հաղորդակցության շինարարության ներդրումները կկազմեն $2 մլրդ: Իրան-Հայաստան երկաթուղու կառուցման նախագծի հանդեպ հետաքրքրություն են ցուցաբերում Համաշխարհային բանկն ու Զարգացման ասիական բանկը, ինչպես նաեւ Ռուսաստանը, Իրանն ու Ուկրաինան: Իրան-Հայաստան երկաթուղին հայկական կողմին թույլ կտա բեռների տեղափոխման այլընտրանքային ճանապարհից օգտվել` ելք ստանալով արտաքին աշխարհ: Ներկայումս արտաքին աշխարհի հետ Հայաստանի երկաթուղային հաղորդակցությունն ապահովվում է միայն Վրաստանի տարածքով:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Բաժիններ թեմայով Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
