  Ղարաբաղի շուրջ բանակցություններում դադար է 4 մարտի 2010 - 16:07 AMT PanARMENIAN.Net - Ղարաբաղյան հակամարտության կարգավորման շուրջ բանակցություններում զգալի առաջընթաց չկա եւ պետք չէ արմատական փոփոխություններ ակնկալել: Այդ մասին այսօր Երեւանում կայացած մամլո ասուլիսում հայտարարել է Արցախի Հանրապետության ԼՂՀ խորհրդարանի արտաքին հարաբերությունների մշտական հանձնաժողովի նախագահ Վահրամ Աթանեսյանը: Նա նշել է, որ բանակցություններում այժմ դադար է, քանի րո Ադրբեջանը շարունակում է խեղաթյուրել ղարաբաղա-ադրբեջանական հակամարտության էությունը, մեթոդաբանությունն ու հեռանկարները: Վահրամ Աթանեսյանը հայտարարել է, որ ԼՂՀ-ն հակամարտության լուծումը համարում է Ղարաբաղի ժողովրդի ինքնորոշման արդեն կայացած իրավունքի ճանաչումը եւ համարում է, որ այս խնդրի լուծումը առանց բանակցություններում Ստեփանակերտի պաշտոնական ներկայացուցչի հնարավոր չէ: «Հակամարտությունը լուծում չի գտնի, քանի դեռ ԼՂՀ-ն չի մասնակցում բանակցություններին: Բանակցային գործընթացի ձեւաչափը պետք է այն տեսքը ստանա, որի մասին ասվում է ԵԱՀԿ Բուդապեշտի գագաթնաժողովի փաստաթղթերում»,-ասել է ԼՂՀ խորհրդարանի ներկայացուցիչը: Նա ասել է, որ Արցախի Հանրապետության իշխանությունները քայլեր են ձեռնարկում ղարաբաղցիների հայրենադարձության ուղղությամբ, օրինակ բերելով Շահումյանի շրջանը, որտեղ արդեն բնակչության աճ է նկատվում: Անդրադառնալով ԼՂՀ-ի կողմից Աբխազիայի անկախության ճանաչմանը եւ հակառակը` Վ.Աթանեսյանն ասել է, որ Արցախի Հանրապետությունը շնորհավորական ուղերձ է հղել Աբխազիայի անկախության հռչակման կապակցությամբ: «Բակո Սահակյանի մասնակցությունը Սերգեյ Բաղապշի երդմնակալության արարողությանը վկայում է այն մասին, որ երկրները փոխադաչձաբար ճանաչում են միմյանց անկախությունը եւ ինձ թվում է, որ այդ փաստը, առաջիկայում, կամրագրվի դիվանագիտական հարաբերությունների հաստատմամբ»,-ասել է ԼՂՀ խորհրդարանականը:    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Սյուժե Վերջին լուրեր IDBank-ը՝ «Ներս արի» հաղորդման հյուր․ Պատմում ենք idcoin-ի մասին  Քննարկման առանցքային թեման idcoin-ն էր՝ IDBank-ի լոյալության նոր միավորըԳյուղապետ․ Կիրանցի այլընտրանքային ճանապարհի երկայնքով նաև պատ է կառուցվում «Պատ էլ են շարում, ճանապարհի երկու կողմով պատ են շարում»,- ասել է ՇահինյանըԵրթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատվածՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին |
