  Օգոստոսի 6-ին ՀԱՊ-ում մեկնարկեցին հայ գեղանկարիչ Հարություն Կալենցի 100-ամյակին նվիրված միջոցառումները  6 օգոստոսի 2010 - 21:36 AMTPanARMENIAN.Net - Օգոստոսի 6-ին Հայաստանի ազգային պատկերասրահում մեկնարկեցին հայ մեծանուն գեղանկարիչ Հարություն Կալենցի 100-ամյակին նվիրված միջոցառումները: Ներկա էին ՀՀ Ազգային ժողովի նախագահ Հովիկ Աբրահամյանը, Ազգային ժողովի աշխատակազմի ղեկավար Գեղամ Ղարիբջանյանը, ՀՀ մշակույթի նախարար Հասմիկ Պողոսյանը: Նախ կայացավ Կալենցի կտավները և կենսագրությունը ներկայացնող գրքի շնորհանդեսը, ապա բացվեց նկարչի ցուցահանդեսը: Ազգային պատկերասրահի տնօրեն Փարավոն Միրզոյանի խոսքերով, այս հրաշալի վարպետը նոր շունչ է հաղորդել 1950-60-ական թվականների հայ գեղանկարչությանը: Գեղանկարչի որդին` «Կալենց» մշակութային հիմնադրամի նախագահ Սարո Կալենցը նկատեց, որ այս գրքին սպասել են 70 տարի, և վերջապես, մշակույթի նախարարության օժանդակութամբ, այն հրատարակվեց: Հովիկ Աբրահամյանը լրագրողների հետ զրույցում նշեց, որ Կալենցն իրոք մեծ նկարիչ է, և այս ցուցահանդեսի մարդաշատությունը արտահայտում է ժողովրդի, հասարակության վերաբերմունքը նրա նկատմամբ: «Չկա մի մասնագետ, նկարիչ, մի հայազգի, որ չհարգի, չհավանի Հարություն Կալենցի նկարները, որովհետև նա մեծություն է մեզ համար, մեր ժողովրդի համար»,- նշել է նա` ավելացնելով, որ պետությունը պարտավոր է անել ամեն ինչ` Կալենցի ընտանիքին օգնելու համար, որպեսզի գեղանկարչի արվեստն ամբողջությամբ ներկայացվի հասարակությանը: Այս տարի Հարություն Կալենցի լիբանանյան շրջանը ներկայացնող գործերով ցուցահանդես է նախատեսվում կազմակերպել նաև Բեյրութում, որտեղ նա ապրել և ստեղծագործել է 19 տարի, մինչև Հայաստան ներգաղթելը:    Հարություն Կալենց Հարություն Կալենցը ծնվել է 1910 թ. Օսմանյան կայսրության Սեբաստիա նահանգի Կյուրուն քաղաքում Անիից գաղթած հայ ազնվականներ՝ Խարմադայանների ընտանիքում: 1915 թվականին՝ Հայոց Ցեղասպանության դժնդակ տարում, Կալենցը, անցնելով անապատի մահվան ճանապարհով,հրաշքով փրկվում է՝ հասնելով Հալեպ: 1923-1927թթ. - ապրում է Հալեպում, սկսում է լրջորեն զբաղվել արվեստով։ 1927-1930թթ. - տեղափոխվում է Տրիպոլի (Լիբանան), այստեղ ծանոթանում է ֆրանսիացի նկարիչ Կլոդ Միշլեի հետ, ինչը սկիզբ է դնում նրանց երկար տարիների ստեղծագործական ընկերությանը։  Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
