  Գերտերությունների վերաբերմունքը Ղարաբաղի մասին բանաձևին հերթական «սառը ցնցուղը» եղավ Բաքվի համար 10 սեպտեմբերի 2010 - 12:46 AMT PanARMENIAN.Net - Այն, որ Ադրբեջանը ՄԱԿ Գլխավոր վեհաժողովի քննարկումից և քվեարկությունից հանել է Ղարաբաղի մասին բանաձևը, կարելի է դիտարկել տարածաշրջանային գործընթացների համատեքստում: Այդ մասին պատմական գիտությունների թեկնածու Էդգար Հովհաննիսյանի հետ մամլո ասուլիսում հայտարարեց Հայաստանի պաշտպանության նախարարությանն առընթեր Հասարակական խորհրդի անդամ, ռազմական հոգեբան Դավիթ Ջամալյանը: Նրա խոսքերով, հայ-ռուսական համաձայնագրերով Ռուսաստանը հասկացնել տվեց, որ ցանկանում է, որպեսզի տարածաշրջանում ձևավորված իրողությունները պահպանվեն և չփոխվեն ռազմական ճանապարհով: «Գերտերություններն այն կարծիքին են, որ ավելի լավ է «վատ խաղաղություն», քան պատերազմ»,- նշեց Ջամալյանը: Միաժամանակ նա նշեց, որ նույնիսկ եթե բանաձևն ընդունվեր, ապա այն իրենից լուրջ վտանգ չէր ներկայացնի: Մեկնաբանելով Ադրբեջանի սպասումները տվյալ բանաձևից` Ջամալյանն ասաց, որ Բաքուն հերթական անգամ կփորձեր միջազգային քաղաքականության շրջանառության մեջ դնել «բռնազավթված տարածքներ» տերմինը: Այդ առումով նա նշեց, որ Հայաստանը պետք է հետևողական լինի այդ հարցում և պետք է միջազգային քաղաքականության մեջ այնպիսի տերմիններ մտցնի, որոնք ճիշտ կարտահայտեն Արցախի շուրջ աշխարհաքաղաքական իրողությունը: Իր հերթին, Էդգար Հովհաննիսյանն ասաց, որ այն, որ Բաքուն հանել է բանաձևը քվեարկությունից, Հայաստանի արտաքին քաղաքականության հաղթանակն է: Նրա խոսքերով, գերտերություններին, մասնավորապես, ԵԱՀԿ ՄԽ համանախագահ-երկրներին շահավետ չէ, որպեսզի ղարաբաղյան հակամարտության քննարկումը դուրս գա գոյություն ունեցող ձևաչափի շրջանակներից: «Դա Բաքվի համար հերթական «սառը ցնցուղն» էր միջազգային հանրության կողմից»,- ասաց նա: Միաժամանակ նա նշեց, որ Սարգսյան-Ալիև-Մեդվեդև սանկտպետերբուրգյան հանդիպումից հետո Ադրբեջանը բանակցային գործընթացքում շարունակում է անհաջողություն կրել: «Բանակցային գործընթացն ընթանում է այն ուղղությամբ, որը շահավետ չէ Բաքվին»,- նշեց Հովհաննիսյանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
