Հոկտեմբերի 16-ին Սյունիքի մարզի Հալիձոր և Տաթև գյուղերում տեղի կունենա Տաթևի ճոպանուղու տեխնիկական գործարկման արարողությունը: Ինչպես հայտնում է Հայաստանի ազգային մրցունակության հիմնադրամը, դրա հետ կապված` հոկտեմբերի 15-ին, ժամը 17:00-ից մինչև հոկտեմբերի 16-ի ուշ երեկոյան Երևան-Գորիս մայրուղուց դեպի Տաթևի վանք տանող ճանապարհով երթևեկությունը կսահմանափակվի` ճանապարհին խցանումներ և տեղաշարժի հետ կապված լրացուցիչ այլ անհարմարություններ չառաջացնելու նպատակով:

Հիմնադրամը հայցում է բոլորի ներողամտությունը և տեղեկացնում է. Տաթևի ճոպանուղին շահագործման կհանձնվի հոկտեմբերի 23-ին: Ցանկացողներն այդ օրվանից սկսած կարող են օգտվել նորակառույց ճոպանուղուց: