Լեռնային Ղարաբաղի հարցում մենք տեսնում ենք տագնապալի ահազանգեր, իրավիճակը մտահոգիչ է մի քանի պատճառներով: Այդ մասին հայտարարել է Լիտվայի ԱԳ նախարար և ԵԱՀԿ հաջորդ նախագահ Աուդրոնյուս Աժուբալիսը ԵԱՀԿ ամսագրին տված հարցազրույցում: Ըստ նրա, ՄԽ համանախագահները պետք է արագացնեն բանակցությունների տեմպերը, որի շրջանակներում քաղաքական լուծման որոնում է գնում: Խոսելով Լիտվայի մոտեցման մասին սառեցված հակամարտությունների կարգավորմանը՝ Աժուբալիսն ասել է, որ յուրաքանչյուր ԵԱՀԿ նախագահ ցանկանում է լուծում առաջարկել սառեցված հակամարտությունների համար: «Ակնկալվում է, որ Լիտվայի նախագահը կգործի արագ, կխորհրդակցի կողմերի հետ և կմոբիլիզացնի քաղաքական, ֆինանսական ու այլ լծակները նման իրավիճակների հանգուցալուծման համար: Ես կցանկանայի, որ ԵԱՀԿ առավել ակտիվ դերակատարություն ունենար Անդրկովկասում:
