Առէքսիմբանկը կրթաթոշակներ հանձնեց 20 ուսանողների
Առէքսիմբանկ ՓԲԸ-ն «Երկրի մասշտաբներում` ի բարօրություն յուրաքանչյուր ուսանողի» ակցիայի արդյունքներով 2 մլն դրամ ընդհանուր գումարով կրթաթոշակներ տրամադրեց 20 ուսանողների: «Ակցիայի մեկնարկի օրվանից ի վեր մենք մոտ 500 հայտ էին ստացել հայկական բուհերի ուսանողներից, այդ թվում` երկրի մարզերից: Նման ձևաչափով կրթաթոշակներ հանձնելու բանկի նախաձեռնությունն առաջին անգամ է իրագործվում Հայաստանում և «Երկրի մասշտաբներում` յուրաքանչյուր երեխայի, գործարարի, վետերանի համար» ակցիայի տրամաբանական շարունակությունն է: Այն շարունակական բնույթ կկրի»,- ասաց Առէքսիմբանկի գլխավոր տնօրեն Արմեն Խանդկարյանը: Նրա խոսքով` սոցիալական բնույթի ակցիայի իրագործումը բանկի առաջնայնությունն է:
Կրթաթոշակառու ուսանողներին ընտրել էին անցկացված հարցազրույցի արդյունքներով:
