Ղարաբաղյան հակամարտության կարգավորման բանակցություններում մեծ առաջընթաց չի եղել, բայց ամեն ինչ դեռ կորած չէ: Տարբերակներ դեռ կան: Այդ մասին հայտարարել է Թուրքիայի ԱԳՆ նախկին ղեկավար Յաշար Յակիշը: Նրա կարծիքով, առաջընթացի համար անհրաժեշտ է ԵԱՀԿ ՄԽ ջանքերի ակտիվացում: «Այստեղ հիմնական խաղացողը Ռուսաստանն է, որին, իմ կարծիքով, ձեռնտու է չկարգավորված հակամարտությունը: ԵԱՀԿ ՄԽ գործունեության ակտիվացման համար անհրաժեշտ է, որպեսզի Ռուսաստանը վերանայի իր քաղաքականությունը: Ես դեռևս դրան մատնացույց անող ոչինչ չեմ տեսնում: Եթե կա ԵԱՀԿ ՄԽ ջանքերն ակտիվացնելու հնարավորություն, ապա պետք է դրանից օգտվել: Այդ առումով պետք է ջանքեր գործադրեն Ֆրանսիան և ԱՄՆ-ն: Կարծում եմ, որ դա հակամարտության խաղաղ լուծման միակ հույսն է»,- կարծում է թուրք դիվանագետը, հաղորդում է Day.Az-ը:
