ՀԿԵՈՒ-ն մինչև մայիսի 25-ը անցկացնում է «Ուշադրությու'ն գծանց» միամսյակը: Միջոցառման նպատակն է բարձրացնել գծանցներում երթևեկության անվտանգության մակարդակը, բարելավել գծանցների շահագործումը, բարձրացնել ճանապարհային կարգապահությունը, ամրապնդել համագործակցությունը Հայաստանի Հանրապետության տրանսպորտի և կապի նախարարության, Ճանապարհային ոստիկանության, տեղական ինքնակառավարման մարմինների և վարորդների հետ:
Միամսյակի շրջանակներում ՀԿԵՈՒ-ի հանձնաժողովները կստուգեն բոլոր գծանցները, կիրականացվի գծանցների և մոտակա ավտոճանապարհների գույքագրում, կազմվելու են համապատասխան ակտեր և արձանագրված խախտումների վերացմանն ուղղված միջոցառումների ցանկեր: Ավտոճանապարհների ոչ բավարար վիճակի դեպքում գծանցը փակվելու է ավտոտրանսպորտի համար:
ՀԿԵՈՒ-ի հանձնաժողովները կստուգեն բոլոր ժամանակավոր կամ մշտապես փակ գծանցները:
«Ուշադրությու'ն գծանց» միամսյակի շրջանակներում գծանցների հերթապահները կանցնեն տեխնիկական դասընթացներ, վարորդներին կբաժանվեն հատուկ հուշաթերթիկներ:
«ՀԿԵՈՒ» ՓԲԸ վիճակագրության համաձայն, 2011 թ. առաջին եռամսյակում գծանցներում գրանցվել է ճանապարհատրանսպորտային մեկ պատահար, հայտնում է ընկերության մամլո ծառայությունը:
