 Թինա Քեյդենաուն գոհ է, որ 2009 թվականից Հայաստանում շատ բան է փոխվել  29 ապրիլի 2011 - 17:58 AMTPanARMENIAN.Net - Հայաստանի վարչապետ Տիգրան Սարգսյանն ապրիլի 29-ին ընդունել է եվրոպական և եվրասիական հարցերով ԱՄՆ փոխպեքարտուղարի տեղակալ Թինա Քեյդենաուին: Վարչապետը ողջունել է տիկին Քեյդենաուին ՀՀ կառավարությունում և նշել, որ նմանօրինակ քննարկումները հնարավորություն են տալիս գործակցությունն առաջ տանել: Եվրոպական և եվրասիական հարցերով ԱՄՆ փոխպետքարտուղարի տեղակալը շնորհակալություն է հայտնել ընդունելության համար և ընդգծել, որ նախորդ` 2009թ. հոկտեմբերին կայացած հանդիպման ընթացքում տեղի ունեցած արդյունավետ քննարկումից հետո շատ բան է արվել: Այնուհետև կառավարության ղեկավարը ներկայացրել է Հայաստանի Հանրապետությունում ընթացող բարեփոխումները, որոնց արդյունքները, չնայած համաշխարհային տնտեսական ճգնաժամի ազդեցությանը, տեսանելի հեռանկարում շոշափելի են լինելու: Այդ բարեփոխումների մի մասն իրականացվել են ԵՄ-ի և ԱՄՆ-ի տեխնիկական օժանդակության շնորհիվ: Դրանք վերաբերում են ժողովրդավարության, մարդու իրավունքների և դատական համակարգի խնդիրներին: Այդ համատեքստում վարչապետ Սարգսյանն անդրադարձել է պետական և հանրային ոլորտներում ՀՀ կառավարության կողմից իրականացվող ծրագրերին, որոնց նպատակը քաղաքացիներին մատուցվող ծառայությունների որակի բարելավումն ու պետական կառավարման համակարգի արդյունավետության բարձրացումն է, մասնավորապես, կոռուպցիոն ռիսկերի նվազեցումը: Խոսելով Հայաստանի տնտեսական զարգացման հեռանկարների մասին` վարչապետը կարևոր է համարել տնտեսության դիվերսիֆիկացումն ու այն հանգամանքը, որ վերջին շրջանում լուրջ աշխատանք է տարվում տեղեկատվական տեխնոլոգիաների, գյուղատնտեսական արտադրանքի վերամշակման, զբոսաշրջության ոլորտներում: Թինա Քեյդենաուն ողջունել է կառավարության ղեկավարի մոտեցումները և գործադիրի ջանքերը բարեփոխումների իրականացման ուղղությամբ և նշել, որ դրանք լիակատար աջակցություն կստանան, հաղորդում է կառավարության մամլո ծառայությունը:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
