ԼՂՀ նախագահը կարևորել է փոքր և միջին ձեռնարկատիրության զարգացումը Քաշաթաղի հարավային թևում29 ապրիլի 2011 - 19:01 AMT PanARMENIAN.Net - Արցախի Հանրապետության նախագահ Բակո Սահակյանը ապրիլի 29-ին այցելել է Բերձոր շրջկենտրոնում կառուցվող հիվանդանոցի և Աղավնո բնակավայրի մոտակայքում Սյունիք-2 հիդրոէլեկտրակայանի շինհարթակներ ու ծանոթացել այնտեղ իրականացվող աշխատանքների ընթացքին: Ինչպես հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը, նախագահը եղել է նաև Իշխանաձոր գյուղում տեղակայված Քաշաթաղի ագրոտեխնիկական կայանում: Այնուհետև երկրի ղեկավարն ուղևորվել է Քաշաթաղի շրջանի հարավային թև: Երիցվանք գյուղում Բակո Սահակյանը ծանոթացել է ջերմոցային տնտեսության, Միջնավան քաղաքում՝ բրիկետային արտադրամասի, իսկ Ծոբաձոր գյուղում՝ ոչխարաբուծական տնտեսության աշխատանքներին: Բակո Սահակյանը կարևորել է փոքր և միջին ձեռնարկատիրության զարգացումը Քաշաթաղի հարավային թևում և տնտեսական, և սոցիալական տեսանկյուններից՝ միաժամանակ նշելով, որ այն հանդիսանում է կարևոր գործոն տեղերում նախաձեռնողականության խթանման համար: Նույն օրը նախագահն այցելել է Կովսական քաղաք և ծանոթացել այնտեղ իրականացվող տարբեր ծրագրերի ընթացքին: Երկրի ղեկավարը աշխատանքային խորհրդակցություն է հրավիրել Քաշաթաղի շրջանի հարավային թևի համայնքների ղեկավարների մասնակցությամբ՝ նվիրված համայնքների զարգացման հետ կապված հարցերին: Բակո Սահակյանը նշել է, որ հարավային թևի սոցիալ-տնտեսական առաջընթացը դրականորեն կազդի ինչպես Քաշաթաղի շրջանի, այնպես էլ հանրապետության ողջ հարավային գոտու զարգացման վրա: Այս տեսանկյունից երկրի ղեկավարը շրջանում ենթակառուցվածքների զարգացումը համարել է նախանշված ծրագրերի հաջող իրականացման կարևոր նախապայմաններից մեկը: Այցի ընթացքում նախագահին ուղեկցում էին վարչապետ Արա Հարությունյանը, պաշտոնատար այլ անձինք: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | OVIO-ի նախաձեռնությամբ անցկացվել է «Ամպային տեխնոլոգիաների և Տվյալների մշակման կենտրոնների զարգացում» խորագրով DC24 համաժողովը Համաժողովի նպատակն է վերհանել ոլորտի մարտահրավերները և գտնել դրանց լուծումները Բաղանիսում, Բերքաբերում, Կիրանցում և Ոսկեպարում անհատական բնակելի տուն կառուցելու դեպքում կտրվի 5 մլն դրամ Շահառուների նոր շրջանակին վերաբերող փոփոխություններն ուժի մեջ կմտնեն օգոստոսի 1-ից Ըստ Բայրամովի՝ խաղաղության գործընթացի ամենալուրջ խոչընդոտը ՀՀ սահմանադրությունն է «Բաց մնացած հարցերի թիվը զգալիորեն կրճատվել է»,- ասել է նա Ուսուցիչների կամավոր ատեստավորումն այսուհետ նախատեսվում է իրականացնել էլեկտրոնային եղանակով Վարչապետն ընդգծել է երեխայի համար դպրոցում որակյալ կրթություն ստանալու հնարավորության ստեղծելու կարևորությունը |