  Հայաստանը հետաքրքրված է ընտանեկան բիզնեսի զարգացման իտալական մշակույթով 10 մայիսի 2011 - 17:10 AMT PanARMENIAN.Net - Հայաստանի վարչապետի հրավերով հանրապետությունում է գտնվում իտալական Ֆրիուլի-Վենետիկ-Ջուլիա գավառի պատվիրակությունը: Ինչպես լրագրողների հետ զրույցում հաղորդել է Հայաստանի Արդյունաբերողների և ձեռներեցների միության նախագահ Արսեն Ղազարյանը, այսօրվա դրությամբ հայ-իտալական տնտեսական և մշակութային հարաբերությունները բարձր մակարդակում են, իսկ իտալական պատվիրակությունը ժամանել է նոր համատեղ ծրագրեր իրականացնելու համար շփման ուղիներ որոնելու նպատակով: Նրա խոսքով, երկու երկրների միջև ապրանքաշրջանառությունը 2010 թվականին կազմել է $127 մլն, ընդ որում` այդ գումարի մեծ մասը բաժին է ընկնում իտալական ապրանքի ներկրմանը Հայաստան: Արտահանումը կազմել է $7 մլն, որի հիմնական մասը բաժին է ընկնում վերամշակման արդյունաբերությանն ու գյուղատնտեսությանը: Արսեն Ղազարյանն ընդգծել է, որ իտալական հյուրերից Հայաստանը կարող է երկու բան սովորել` կորպորատիվ համագործակցություն փոքր և միջին ձեռնարկատիրության ոլորտում, այդ թվում` ընտանեկան բիզնեսի զարգացման մշակույթ, և համատեղ ձեռնարկությունների ստեղծելու համար արդյունաբերության մեջ նոր տեխնոլոգիաների ներդրում: Միության նախագահն ավելացրել է, որ համագործակցության ներուժ է տեսնում այնպիսի ոլորտներում, ինչպիսիք են զբոսաշրջությունը, հիդրոէներգետիկան, բանկային հատվածը, կերամիկան, սանտեխնիկան, ատամնաբուժությունը: Ղազարյանը հաղորդել է նաև, որ այսօրվա դրությամբ Հայաստանի տարածքում հայ-իտալական 50 համատեղ ձեռնարկություն է գործում:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
