Երևանի կենտրոնը կարող է գետնի տակ անցնել: Նման կարծիք է հայտնել երկրաբանական գիտությունների թեկնածու Ռուբեն Յադոյանը: Գիտնականի կարծիքով, դրա պատճառը կարող են դառնալ քաղաքի տակ հոսող ջրերը: «Վայրկյանում 1200 լիտր ջուրն իր հետ մոտ 500-600 կիլոգրամ հող` գրունտ է տանում: Քաղաքի տակ դատարկություններ են գոյանում»,- ասել է Յադոյանը: Նրա խոսքով, Երևանյան մետրոպոլիտենի թունելները` Երիտասարդականից մինչև Հանրապետության Հրապարակ կայարաններ Երևանի ստորգետնյա ջրերի երեք հորիզոն են կտրել: «Այժմ ջրերը տանում և բերում են այդ թունել, որը թափվում է Հրազդան գետը»,- ասել է Ռուբեն Յադոյանը, հաղորդում է «Էկոլուրը»: