Իսրայելի ՌՕՈՒ միանգամից հինգ հարված է հասցրել Գազայի հատվածին

PanARMENIAN.Net - Իսրայելի ռազմաօդային ուժերը օգոստոսի 16-ի վաղ առավոտյան միանգամից հինգ հարված են հասցրել Գազայի հատվածին: Այդ մասին հաղորդում է Agence France-Presse-ը: Ըստ պաղեստինյան աղբյուրների, հարձակումներից մեկի արդյունքում՝ Գազայի Զեյթունի հատվածում, վիրավորվել է 3 մարդ: Եվս երկուսը տուժել են մյուս երկու ռեյդերի ժամանակ՝ Գազայի արևելքում: Մյուս երկու հարձակումների արդյունքում զոհեր և վիրավորներ չեն եղել:

Իսրայելի զինվորականների պաշտոնական ներկայացուցիչներն, իրենց հերթին, չեն հաստատել, սակայն չեն էլ ժխտել օդային հարձակումների փաստը:

Ասվում է, որ Իսրայելի ՌՈՈՒ թռիչքները կատարվել են այն բանից հետո, երբ Գազայի տարածքից հրթիռ է արձակվվել դեպի Իսրայել:

AFP-ն նշում է Իսրայելի հրթիռային հարձակումների ինտենսիվության աճը Գազայի տարածքից վերջին մի քանի շաբաթում: Ընդամենը, հուլիսի սկզբից Գազայի հատվածից արձակվել է 30 հրթիռ:

Մինչ այդ իրավիճակը տարածաշրջանում բավականին հանգիստ էր 2011թ. ապրիլից ի վեր, երբ ի պատասխան Պաղեստինի կողմից հրթիռային հարձակման, որի արդյունքում մի դեռահաս զոհվեց, Իսրայելի ՌՕՈՒ-ն մի շարք կործանիչ հարձակումներ կատարեց Գազայի վրա, գրում է Լենտա.ռու-ն: