Կամերային երաժշտության տանը նշվել է «Ալիք» օրաթերթի 80-ամյակը 24 օգոստոսի 2011 - 14:52 AMT PanARMENIAN.Net - Կոմիտասի անվան կամերային երաժշտության տանը ՀՀ սփյուռքի նախարարության նախաձեռնած` «Հայաստանում Իրանի հայ համայնքի օրեր» ծրագրի շրջանակներում նշվել է «Ալիք» օրաթերթի 80-ամյակը: Սփյուռքի նախարարությունից տեղեկացնում են, որ հոբելյանի առթիվ նախագահ Սերժ Սարգսյանի շնորհավորական խոսքն ընթերցել է ՀՀ ժողովրդական արտիստ Ազատ Գասպարյանը` շեշտելով, որ այս հոբելյանը շնորհավորում են նաև ԼՂՀ նախագահ Բակո Սահակյանը, դեսպաններ և անվանի շատ այրեր: Ներկաներին ողջունել և «Ալիք» օրաթերթին ու նրա խմբագրակազմին «ևս 80 և 800 տարի գոյատևում» է մաղթել սփյուռքի նախարար Հրանուշ Հակոբյանը: Նա ՀՀ սփյուռքի նախարարության պատվոգրով է պարգևատրել «Ալիք» օրաթերթի արտոնապետ Ալբերտ Աճեմյանին, իսկ ներկայիս խմբագրապետ Դերենիկ Մելիքյանին` «Սփյուռքում հայ մշակույթի տարածմանը նպաստող գործունեության, Հայաստան-Սփյուռք գործակցության և կապերի ամրապնդման գործում ունեցած նշանակալի ավանդի, Իրանի հայ համայնքի բարգավաճման և «Ալիք» օրաթերթի 80-ամյա հոբելյանի կապակցությամբ», պարգևատրել է ՀՀ սփյուռքի նախարարության «Վիլյամ Սարոյան» մեդալով: Հանդիսավոր երեկոյին մասնակցել են դեսպաններ, «Ալիք» օրաթերթի նախկին խմբագիրներ Սեդա Դավթյանը, Նորայր Եսաբյանը, ՀՀ ԳԱԱ պատմության ինստիտուտի տնօրեն Աշոտ Մելքոնյանը, ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը, Ժուռնալիստների միության նախագահ Աստղիկ Գևորգյանը և այլք: ՀՀ սփյուռքի նախարար Հրանուշ Հակոբյանին շնորհակալագիր է հանձնել «Ալիք» օրաթերթի խմբագիր Դերենիկ Մելիքյանը:   Ուշագրավ Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․   Ամենաընթերցվողը բաժնում |  Վերջին լուրեր ՀՀ և ԱՄՆ միջև զանգվածային ոչնչացման զենքի տարածմանը հակազդելու համաձայնագիրը երկարացվել է 7 տարով  Կողմերը պայմանավորվում են համագործակցություն իրականացնել` ուղղված զանգվածային ոչնչացման զենքի տարածմանը հակազդելունՓաշինյանը՝ Բայդենին․ ՀՀ-ն մեծապես կարևորում է ԱՄՆ դերը տարածաշրջանում խաղաղության հաստատման գործում Նա նշել է, որ վերջին տարիներին երկու երկրների համագործակցությունը զգալի աճել էՕգոստոսի 1-ից վարժական հավաքներ կանցկացվեն Նպատակն է պահեստազորում ունենալ առավել պատրաստված պահեստազորայիններՀՀ–ն Սահմանադրության օրը կդիմավորի Tricolor Yerevan Night Run գիշերային վազքով. Տոնական քայլերթ և համերգ է սպասվում Տոնական քայլերթին կմասնակցեն ՀՀ զինված ուժերի և ՀՀ ՆԳՆ ոստիկանության զորքերի նվագախմբերը |
