2010-ին Հայաստանի և Չինաստանի միջև ապրանքաշրջանառության ծավալները կրկնակի աճել են նախորդ տարվա համեմատ24 օգոստոսի 2011 - 18:43 AMT PanARMENIAN.Net - Հայաստանի փոխվարչապետ, տարածքային կառավարման նախարար Արմեն Գևորգյանը, որն աշխատանքային այցով գտնվում է Չինաստանի Ժողովրդական Հանրապետությունում, օգոստոսի 24-ին Պեկինում հանդիպեց ՉԺՀ առևտրի նախարար Չեն Դեմինի հետ: Ինչպես հաղորդում է ՀՀ ՏԿՆ հասարակայնության հետ կապերի բաժինը, կողմերը քննարկեցին երկկողմ առևտրատնտեսական հարաբերությունների խորացմանը վերաբերող հարցեր: Արձանագրվեց, որ վերջին տարիներին նկատվում է կապերի աշխուժացում, և համատեղ քայլեր են ձեռնարկվում դրանք զարգացնելու ուղղությամբ: Գոհունակությամբ նշվեց, որ 2010 թվականին, նախորդ տարվա համեմատ, ապրանքաշրջանառության ծավալների կրկնակի աճ է արձանագրվել, ընդ որում թե արտահանման, թե ներմուծման առումով: Առկա է այդ ծավալները կրկնապատկելու, իսկ հետագայում` ավելի ընդլայնելու մեծ ներուժ: Հատուկ ուշադրություն դարձվեց Հայաստանի վերամշակող ձեռնարկությունների արտադրանքի` Չինաստան արտահանելու հետ կապված հարցերին: Չեն Դեմինը տեղեկացրեց, որ Չինաստանում պարբերաբար կազմակերպվում են առևտրային, տնտեսական և զբոսաշրջային ցուցահանդեսներ, որոնց նպատակը չինական շուկան արտասահմանյան ընկերություններին հասանելի դարձնելն է: Նախարարը նշեց, որ Չինաստանի հսկայական ներքին շուկան բաց է հայաստանյան ընկերությունների համար, և չինական կողմը պատրաստակամ է խթանել երկկողմ ապրանքաշրջանառությունը: Երկուստեք կարևորվեց գործարար շրջանակները միավորող կազմակերպությունների միջև կապերի հաստատման խրախուսումը և գործարարների միջև կապերի ստեղծումը, ինչը նախադրյալներ կստեղծի շփումների ակտիվացման համար: Հեռանկարային համարվեց զբոսաշրջության ոլորտում համագործակցությունը: Դրան կնպաստի նաև օդային կանոնավոր հաղորդակցության հաստատումը, որի ուղղությամբ երկուստեք քայլեր են ձեռնարկվում: Կողմերն ընդգծեցին համատեղ նախագծերի իրագործումը փոխգործակցության համար հեռանկարային մի շարք` էներգետիկայի, հանքարդյունաբերության, տեղեկատվական տեխնոլոգիաների, ենթակառուցվածքների զարգացման և հեռահաղորդակցության ոլորտներում: Չինաստանի առևտրի նախարարը պատրաստակամություն հայտնեց մասնագիտական քննարկումներ կազմակերպել` ենթակառուցվածքային մի շարք ծրագրերի տեխնիկական աջակցություն ցուցաբերելու նպատակով: Կարևորվեց չինական փորձի ուսումնասիրումը, ինչպես նաև չինական կողմի մասնակցությունը Հայաստանում ձևավորվող ազատ տնտեսական գոտու զարգացմանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Գյուղապետ․ Կիրանցի այլընտրանքային ճանապարհի երկայնքով նաև պատ է կառուցվում «Պատ էլ են շարում, ճանապարհի երկու կողմով պատ են շարում»,- ասել է Շահինյանը Երթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատված ՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին «Շիրակ» օդանավակայանում ռումբի մասին կեղծ ահազանգի համար 36–ամյա տղամարդ է ձերբակալվել Օդանավակայանի բնականոն աշխատանքը վերականգնվել է |