Սեպտեմբերի 16-19-ը Հայաստանում կայանալու է «Պոլսահայ համայնքի օրերը Հայաստանում» ծրագիրը, որը կազմակերպել է ՀՀ սփյուռքի նախարարությունը: Օրերը բացվելու են «Հայերի դերը Կ. Պոլսի մշակութային կյանքում» գիտաժողովովով և Կարո Քյուրքմանի գրքերի ցուցադրությամբ, որը կայանալու է ՀՀ ԳԱԱ նախագահության նիստերի դահլիճում:

Այն իրականացնելու համար Հայաստան են ժամանել Մխիթարյան սանուց միության «Դալար» երգի և պարի խումբը, ով ցուցադրելու է պատմական տարազները: Այս այցելությունը առաջինն է պարախմբի համար:

Ցուցադրությունները կայանալու են սեպտեմբերի 16-ին Գյումրու Վ. Աճեմյանի անվան պետական դրամատիկական թատրոնում, 18-ին Երևանի Ալ. Սպենդիարյանի անվան օպերայի և բալետի ազգային ակադեմիական թատրոնում, 19-ին` Վանաձորի Շառլ Ազնավուրի անվան մշակույթի պալատում: Բացի դրանից, սեպտեմբերի 17-ին «Առնո Բաբաջանյան» համերգասրահում կայանալու է «Մարմարա» օրաթերթի 70-ամյա հոբելյանին նվիրված միջոցառում: